ന്യൂഡല്ഹി: കേന്ദ്ര സർക്കാർ 2025ലെ പത്മ പുരസ്കാരങ്ങള് പ്രഖ്യാപിച്ചു. മരണാന്തര ബഹുമതിയായി മലയാളത്തിന്റെ പ്രിയപ്പെട്ട സാഹിത്യകാരന് എംടിവാസുദേവന് നായര്ക്ക് പത്മവിഭൂഷണ് നൽകും.
ഹോക്കി താരം പിആര് ശ്രീജേഷിനും ഡോ. ജോസ് ചാക്കോ പെരിയപ്പുറത്തിനും നടി ശോഭനയ്ക്കും പത്മഭൂഷണ് സമ്മാനിക്കും. കേരളത്തിന്റെ സ്വന്തം ഫുട്ബോള് താരം ഐഎം വിജയനും ഡോ. കെ ഓമനക്കുട്ടിക്കും പത്മശ്രീ പുരസ്കാരവും ലഭിച്ചു.
സുപ്രീം കോടതി അഭിഭാഷകൻ സി എസ് വൈദ്യനാഥൻ,ഗായകൻ അര്ജിത്ത് സിങ് , മൃദംഗ വിദ്വാൻ ഗുരുവായൂര് ദൊരൈ എന്നിവരും പത്മശ്രീ പുരസ്കാരത്തിന് അര്ഹരായി.
ഗായകൻ പങ്കജ് ഉദ്ദാസിനും അന്തരിച്ച ബിജെപി നേതാവ് സുശീൽ കുമാര് മോദിക്കും മരണാനന്തര ബഹുമതിയായി പത്മഭൂഷണ് നൽകും. ആകെ ഏഴു പേര്ക്കാണ് പത്മവിഭൂഷണ് പ്രഖ്യാപിച്ചത്. 19 പേര് പത്മഭൂഷണും 113 പേര് പത്മശ്രീ പുരസ്കാരത്തിനും അര്ഹരായി.
Discussion about this post