ഹൈദരാബാദ്: ഭാര്യയെ കൊലപ്പെടുത്തിയ ശേഷം മൃതദേഹം കഷ്ണങ്ങളാക്കി മുറിച്ച് പ്രഷര്‍ കുക്കറില്‍ വേവിച്ച് കായലില്‍ തള്ളിയ മുന്‍ സൈനികന്‍ പിടിയില്‍. ഹൈദരാബാദിലെ മീര്‍പേട്ടിലുള്ള ജില്ലേലഗുഡയിലാണ് ക്രൂരകൊലപാതകം നടന്നത്. സംഭവത്തില്‍ ആന്ധ്രയിലെ പ്രകാശം സ്വദേശി ഗുരുമൂര്‍ത്തിയെ (45) പോലീസ് അറസ്റ്റ് ചെയ്തു.
കഴിഞ്ഞ കുറച്ച് ദിവസങ്ങളായി ഗുരുമൂര്‍ത്തിയുടെ ഭാര്യ വെങ്കട മാധവിയെ കാണാനില്ലായിരുന്നു. കുടുംബം പോലീസ് പരാതി നല്‍കിയതോടെ ഗുരുമൂര്‍ത്തിയെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് കൊലപാതകവിവരം പുറത്തറിഞ്ഞത്.
ശുചിമുറിയില്‍ വെച്ചാണ് കൊല നടത്തിയതെന്നും മൃതദേഹം കഷ്ണങ്ങളായി മുറിച്ച് പ്രഷര്‍ കുക്കറില്‍ പാകം ചെയ്ത് തൊട്ടടുത്ത കായലില്‍ തള്ളി എന്നുമാണ് ഗുരുമൂര്‍ത്തി കുറ്റസമ്മതം നടത്തിയത്.
