മുംബൈ; മുംബൈ ജിയോ വേൾഡ് സെന്ററിൽ നടക്കുന്ന ഇന്ത്യ കണ്ട ഏറ്റവും വലിയ ആഡംബര കല്യാണത്തിൽ പങ്കെടുക്കാനെത്തി പ്രധാനമന്ത്രി നരേന്ദ്ര മോഡിയും. അന്താരാഷ്ട്ര തലത്തിൽ പ്രശസ്തരായവരും ഇന്ത്യൻ സെലിബ്രിറ്റികളുമടക്കം പങ്കെടുക്കുന്ന വിവാഹത്തിൽ മോഡിയുമെത്തിയതോടെ ചിത്രം പൂർണമായി.
മുകേഷ്-നിത അംബാനി ദമ്പതികളുടെ മകൻ ആനന്ത് അംബാനി വ്യവസായിയായ വിരേൻ മെർച്ചന്റിന്റെ മകൾ രാധിക മെർച്ചന്റിനേയാണ് വിവാഹം ചെയ്യുന്നത്. ഇരുവരുടെയും വിവാഹത്തിന്റെ ഭാഗമായി ശനിയാഴ്ച നടന്ന ശുഭ് ആശിർവാദ് ചടങ്ങിനാണ് മോഡി എത്തിയത്.
ചടങ്ങിലേക്ക് മുകേഷ് അംബാനിയും ഭാര്യ നിത അംബാനിയും ചേർന്നാണ് മോഡിയെ വരവേറ്റത്. ചടങ്ങിൽ പങ്കെടുത്ത മോദി നവദമ്പതിമാരെ ആശീർവദിച്ച ശേഷം പ്രധാനമന്ത്രി മടങ്ങി.
ALSO READ- ഹൃദയാഘാതം, അടുത്ത ഞായറാഴ്ച വിവാഹം നടക്കാനിരുന്ന യുവാവ് മരിച്ചു
രാഷ്ട്രീയ-കലാ-സാംസ്‌കാരിക രംഗത്തെ പ്രമുഖരെല്ലാം വിവാഹത്തിന് അതിഥികളായെത്തിയിട്ടുണ്ട്. ദേവേന്ദ്ര ഫട്‌നാവിസ്, മമതാ ബാനർജി തുടങ്ങിയവരും വിവാഹത്തിനെത്തിയതും ചർച്ചയായിരുന്നു.
Discussion about this post