കൊല്‍ക്കത്ത: ബഹുനില കെട്ടിടത്തിന്റെ അഞ്ചാം നിലയില്‍ നിന്ന് താഴേക്ക് വീണ് ആറ് വയസുകാരന് ദാരുണാന്ത്യം. അഞ്ചാം നിലയിലെ പടികളില്‍ സഹോദരിക്കൊപ്പം കളിച്ചു കൊണ്ടിരിക്കെ കൈവരികള്‍ക്ക് ഇടയിലുള്ള വിടവിലൂടെ കുട്ടി താഴേക്ക് വീഴുകയായിരുന്നു. ഉടനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല
കൊല്‍ക്കത്തയിലെ സൈനിക കോംപ്ലക്‌സിലാണ് അപകടമുണ്ടായത്. ജമുന ബില്‍ഡിങിലെ അഞ്ചാം നിലയിലുള്ള സര്‍വന്റ്‌സ് ക്വാര്‍ട്ടേഴ്‌സില്‍ താമസിക്കുന്ന ദുര്‍ഗയുടെ മകന്‍ യോഗേഷ് നായക് ആണ് മരിച്ചത്. ഒന്നാം ക്ലാസ് വിദ്യാര്‍ത്ഥിയാണ്. യോഗേഷിന്റെ അച്ഛനും അമ്മയും സഹോദരിയുമടങ്ങുന്ന കുടുംബമാണ് ക്വാര്‍ട്ടേഴ്‌സിലുണ്ടായിരുന്നത്.
മാതാപിതാക്കള്‍ മുറിയിലായിരുന്ന സമയത്ത് കുട്ടികള്‍ പുറത്ത് പടിയില്‍ കളിക്കുകയായിരുന്നു. ഇതിനിടെ യോഗേഷ് കൈവരിയിലൂടെ നിരങ്ങി ഇറങ്ങാന്‍ ശ്രമിക്കുകയായിരുന്നു. ഇതിനിടെ കുട്ടിയുടെ ബാലന്‍സ് തെറ്റി താഴേക്ക് വീണു.
ഗുരുതരമായി പരിക്കേറ്റ കുട്ടിയെ മാതാപിതാക്കളും തൊട്ടടുത്ത് താമസിക്കുന്നവരും ചേര്‍ന്ന് പത്ത് മിനിറ്റിനകം കല്‍ക്കത്ത നാഷണല്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.