ഡ്രൈവിങ് പഠനത്തിനായി മലയിലേക്ക് യാത്ര; കാർ താഴ്ചയിലേക്ക് മറിഞ്ഞ് യുവതിക്ക് ദാരുണമരണം

മുംബൈ: ഡ്രൈവിങ് പഠനത്തിനിടെയുണ്ടായ അപകടത്തിൽ യുവതിക്ക് ദാരുണമരണം. 23കാരിയായ ശ്വേത ദീപക് സർവാസേയാണ് അപകടത്തിൽ മരിച്ചത്. കാർ ഓടിക്കുന്നത് മെച്ചപ്പെടുത്താനായി നടത്തിയ യാത്രയിലാണ് വാഹനം 300 അടി താഴ്ചയിലേക്ക് മറിഞ്ഞ് യുവതി മരിച്ചത്. മഹാരാഷ്ട്രയിലെ സുലഭിഞ്ജൻ മലയിലാണ് സംഭവം.

യുവതി കാർ ഓടിക്കുന്നത് പകർത്തുകയായിരുന്ന സുഹൃത്തിന്റെ ഫോണിൽ നിന്നുള്ള ദൃശ്യങ്ങൾ പുറത്തെത്തിയിട്ടുണ്ട്. ഓടിച്ചിരുന്ന കാർ താഴേക്ക് വീഴുന്നതിന്റെ ദൃശ്യങ്ങളുൾപ്പടെയാണ് പുറത്തെത്തിയത്. 25 സെക്കൻഡ് ദൈർഘ്യമുള്ള വീഡിയോയാണിത്.

തിങ്കളാഴ്ച ഉച്ചക്ക് ശേഷം ഇരുവരും ഔറംഗബാദിൽ നിന്നും സുലിഭഞ്ജൻ മലയിലേക്ക് വരികയായിരുന്നു. തുടർന്ന് രണ്ട് മണിയോടെയാണ് അപകടമുണ്ടായത്. സർവാസേ കാറിലേക്ക് കയറി റിവേഴ്‌സെടുക്കുകയായിരുന്നു.

ALSO READ- ‘സംഘപരിവാർ ഏജന്റ് പ്രതാപനെ കോൺഗ്രസിൽ നിന്ന് പുറത്താക്കുക’; വീണ്ടും തൃശൂരിൽ പോസ്റ്റർ യുദ്ധം

തുടർന്ന് കാർ താഴ്ചയിലേക്ക് വീഴാൻ പോവുകയാണെന്ന് സുഹൃത്ത് മുന്നറിയിപ്പ് നൽകുന്നുണ്ട്. എന്നാൽ വാഹനം നിർത്താൻ യുവതിക്ക് കഴിഞ്ഞില്ല.സുഹൃത്ത് ഓടിയെത്തുമ്പോഴേക്കും വാഹനം താഴേക്ക് വീഴുകയായിരുന്നു.