മുസാഫർനഗർ: തന്റെ സഹോദരൻ പീഡനത്തിന് ഇരയാക്കിയ ഭാര്യയെ കൊലപ്പെടുത്താൻ ശ്രമിച്ച് യുവാവ്. ഉത്തർപ്രദേശിലാണ് സംഭവം. ഭാര്യയെ കഴുത്ത് ഞെരിച്ച് കൊലപ്പെടുത്താൻ ശ്രമിച്ച കേസിലാണ് കൂടുതൽ വെളിപ്പെടുത്തലുകൾ.
ഭർത്താവിന്റെ സഹോദരൻ പീഡിച്ചുവെന്ന് യുവതി ആരോപിച്ചിരുന്നു. ഇതിനു പിന്നാലെയാണ് ‘ഇനിമുതൽ നീ എന്റെ ഭാര്യ അല്ല, സഹോദരന്റേതാണ്’ എന്ന് പറഞ്ഞ് ഭർത്താവ് ഭാര്യയെ കൊലപ്പെടുത്താൻ ശ്രമിച്ചത്. ഭർത്താവ് വീട്ടിൽ ഇല്ലാത്ത സമയത്ത് ഭർത്താവിന്റെ സഹോദരൻ തന്നെ പീഡിപ്പിച്ചുവെന്ന് യുവതി ആരോപണം ഉന്നയിച്ചിരുന്നു.
പിന്നീട് വീട്ടിലെത്തിയ ഭർത്താവിനോട് ഭാര്യ ഈ വിവരം അറിയിച്ചപ്പോൾ ‘ഇനി മുതൽ നീ എന്റെ ഭാര്യ അല്ലെന്നും, സഹോദരന്റെ ഭാര്യയാണ്’ എന്നും പറഞ്ഞ് ഷാൾ കഴുത്തിൽ കുരുക്കി കൊലപ്പെടുത്താൻ ശ്രമിക്കുകയായിരുന്നു എന്നാണ് യുവതി പരാതിപ്പെട്ടിരിക്കുന്നത്.
ALSO READ- എടപ്പാളില് റോഡ് മുറിച്ചു കടക്കുന്നതിനിടെ അപകടം; കാറിടിച്ച് 55കാരന് ദാരുണാന്ത്യം
യുവതിയെ ഭർത്താവ് കൊലപ്പെടുത്താൻ ശ്രമിക്കുന്നതിന്റെ വീഡിയോ ഇയാളുടെ സഹോദരൻ മൊബൈലിൽ പകർത്തിയിട്ടുണ്ടെന്നും പരാതിയിൽ പറയുന്നു. പരാതിയുടെ അടിസ്ഥാനത്തിൽ ഭർത്താവിനും ഭർത്താവിന്റെ സഹോദരനുമെതിരെ പോലീസ് കേസെടുത്തു.
Discussion about this post