കരയിലെ ഏറ്റവും വലിയ ജീവിയാണ് ആന. മനുഷ്യന് എന്നും അത്ഭുതവും കൗതുകവുമാണ് ആന. ഇപ്പോഴിതാ ആനയും ഒരു യുവാവും തമ്മിലുളള വീഡിയോയാണ് വൈറലാകുന്നത്. കഴിക്കാന്‍ ഭക്ഷണം നല്‍കി തന്നെ തലോടാന്‍ വന്ന യുവാവിന് പണി കൊടുത്തിരിക്കുകയാണ് ആന.
കഴിയ്ക്കാന്‍ ഇലകള്‍ നല്‍കി തന്നെ തലോടാന്‍ എത്തിയ യുവാവിനെ തൂക്കിയെറിഞ്ഞിരിക്കുകയാണ് ആന. കുറച്ച് ഇലച്ചെടികളുമായി ഭയമൊന്നുമില്ലാതെയാണ് യുവാവ് ആനയ്ക്കരികില്‍ എത്തുന്നത്. ഉടന്‍ തന്നെ യുവാവിന്റെ കൈയില്‍ നിന്നും ചെടികള്‍ തട്ടിയെടുത്ത് ആന കഴിക്കാന്‍ തുടങ്ങി.
ഈ സമയം യുവാവ് തുമ്പി കൈയില്‍ തടവികൊണ്ടിരുന്നു. അത് ഇഷ്ടപ്പെടാത്ത ആന പിന്നോട്ട് പോകുന്നുണ്ട്. കണ്ണിന്റെ ഭാഗത്ത് തൊടാന്‍ ശ്രമിച്ചതോടെ ആന യുവാവിനെ തട്ടിയെറിയുകയാണ്. യുവാവ് ചോദിച്ച് വാങ്ങിയ പണിയാണ് എന്നാണ് സൈബറിടത്തെ വര്‍ത്തമാനം . ‘ആളാകാന്‍ എന്റെ അടുത്ത് വരരുത്’, പറയുന്നത് മറ്റാരുമല്ലാ, ഒരാനയാണ്, എന്നാണ് ഒരാള്‍ വൈറല്‍ വീഡിയോയ്ക്ക് കമന്റിട്ടിരിക്കുന്നത്.
Discussion about this post