ബംഗളൂരു: ബെംഗളൂരു കുന്ദലഹള്ളിയിലുള്ള രമേശ്വരം കഫേയിലുണ്ടായ പൊട്ടിത്തെറി ബോംബ് സ്ഫോടനമാണെന്ന് സ്ഥിരീകരിച്ച് കര്ണാടക മുഖ്യമന്ത്രി സിദ്ധരാമയ്യ. തീവ്രത കുറഞ്ഞ ഐഇഡി സ്ഫോടനമാണെന്ന് സംശയിക്കുന്നതായി സിദ്ധരാമയ്യ പറഞ്ഞു.
വൈറ്റ്ഫീല്ഡിലെ രാമേശ്വരം കഫേയിലാണ് സ്ഫോടനമുണ്ടായത്. സിസിടിവി ദൃശ്യങ്ങള് പരിശോധിച്ചപ്പോള് സംശയാസ്പദകരമായി ആരോ കഫേയില് ബാഗ് ഉപേക്ഷിച്ചതായി കണ്ടെത്തിയെന്ന് കര്ണാടക മുഖ്യമന്ത്രി പറഞ്ഞു.
സംഭവത്തില് ഒമ്പത് പേര്ക്ക് പരിക്കേറ്റതായി കര്ണാടക ആഭ്യന്തര മന്ത്രി ജി.പരമേശ്വര അറിയിച്ചു. കഫേ ജീവനക്കാര് അടക്കമുള്ളവര്ക്കാണ് പരിക്കേറ്റത്. പാചകവാതക ഗ്യാസ് പൊട്ടിത്തെറിച്ചതാണ് സ്ഫോടനമുണ്ടായതെന്നായിരുന്നു പ്രഥമിക നിഗമനം.
Discussion about this post