രാജ്‌കോട്ട്: ഒമ്പതാം ക്ലാസ് വിദ്യാര്‍ത്ഥിനി പരീക്ഷാ ഹാളില്‍ കുഴഞ്ഞു വീണ് മരിച്ചു. ഹൃദയാഘാതമാണ് കാരണം എന്നാണ് നിഗമനം. ഗുജറാത്തിലെ അമ്രേലി സ്‌കൂളിലാണ് സംഭവം. രാജ്‌കോട്ടിലെ ജാസ്ദന്‍ സ്വദേശിയായ സാക്ഷി സാജോദര എന്ന 15കാരിയാണ് കുഴഞ്ഞു വീണ് മരിച്ചത്.
ശാന്തബാ ഗജേര സ്‌കൂളിലെ വിദ്യാര്‍ത്ഥിനിയായ കുട്ടി, പരീക്ഷക്കായി ക്ലാസ് മുറിയില്‍ പ്രവേശിക്കുമ്പോള്‍ കുഴഞ്ഞു വീഴുകയായിരുന്നു. അധ്യാപകരും സഹപാഠികളും കുട്ടിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.