പാറ്റ്ന: വാഹനാപകടത്തില്‍ മരിച്ചയാളുടെ മൃതദേഹം പോലീസ് കനാലിലേക്ക് വലിച്ചെറിയുന്ന ദൃശ്യങ്ങള്‍ പുറത്ത്. ഞായറാഴ്ച ബിഹാറിലെ മുസാഫര്‍പൂര്‍ ജില്ലയിലാണ് ദാരുണസംഭവം നടന്നത്.
വഴിയാത്രക്കാരനായ യുവാവാണ് ദൃശ്യങ്ങള്‍ പകര്‍ത്തിയതെന്നും റിപ്പോര്‍ട്ട് വന്നിരുന്നു. ട്രക്ക് ഇടിച്ച് മരിച്ച വയോധികന്റെ മൃതദേഹം മൂന്നു പോലീസുകാര്‍ ചേര്‍ന്ന് വലിച്ചിഴയ്ച്ച് കനാലിലേക്ക് ഇടുന്നതാണ് വീഡിയോയിലുള്ളത്.
ഞായറാഴ്ച രാവിലെയാണ് വയോധികനെ ട്രക്ക് ഇടിച്ചത്. മുസാഫര്‍പൂരിലെ ഫകുലി ഒപി ഏരിയയിലെ ധോധി കനാല്‍ പാലത്തിന് സമീപത്ത് നടന്ന സംഭവത്തിന്റെ ദൃശ്യങ്ങള്‍ മണിക്കൂറുകള്‍ക്കകം സമൂഹ മാധ്യമത്തില്‍ വൈറലാകുകയായിരുന്നു.
പോസ്റ്റ്മോര്‍ട്ടത്തിനായി വീണ്ടെടുക്കാനാകില്ലെന്നായിരുന്നു ആദ്യം അധികൃതരുടെ വിശദീകരണം. വീഡിയോ വൈറലായതോടെ കനാലില്‍ നിന്നും മൃതദേഹ ഭാഗങ്ങള്‍ കണ്ടെടുത്ത് പോസ്റ്റ്മോര്‍ട്ടത്തിന് അയച്ചുവെന്ന് പോലീസ് വ്യക്തമാക്കി.
Does it look like "सड़क से चिपका अवशेष"?? It looks like a human body to me..
When Cops start telling Blatant Lies, just understand that it's either Jungle Raj or it's Lalu Raj..#Shame on Bihar Police pic.twitter.com/diGnnqtVQS
— Subeer – शुद्ध (@ShuddhaWorld) October 8, 2023