ബംഗളൂരു: പന്തയംവെച്ച് സുഹൃത്തുക്കളുമായി ചേർന്ന് അമിതമായി മദ്യംകഴിച്ച 60-കാരന് രക്തം ഛർദിച്ച് ദാരുണമരണം. കർണാടകത്തിലെ ഹാസൻ സിഗരനഹള്ളിയിലാണ് സംഭവമുണ്ടായത്. സിഗരനഹള്ളിയിലെ തിമ്മേഗൗഡയാണ് മരിച്ചത്. ചൊവ്വാഴ്ച വൈകീട്ട് സംസാരത്തിനിടെ 90 മില്ലിലിറ്ററിന്റെ 10 പായ്ക്കറ്റ് മദ്യം ഒരേസമയം കഴിക്കുമെന്ന് ഇയാൾ സുഹൃത്തുക്കളോട് പറയുകയായിരുന്നു. ഇതോടെ ഇക്കാര്യം തെളിയിച്ചാൽ കഴിക്കുന്നതിന്റെ ഇരട്ടി മദ്യം വാങ്ങിത്തരാമെന്നായിരുന്നു സുഹൃത്തുക്കളുടെ പന്തയം.
തുടർന്ന് പന്തയം ഏറ്റെടുത്ത തിമ്മേഗൗഡ സമീപത്തെ വിൽപ്പനശാലയിൽനിന്ന് മദ്യംവാങ്ങി വെള്ളമോ സോഡയോ ചേർക്കാതെ കുടിക്കുകയായിരുന്നു. അതേസമയം, അമിതമായി മദ്യം കഴിച്ചയുടനെ ഇയാൾ രക്തം ഛർദിച്ച് കുഴഞ്ഞുവീഴുകയായിരുന്നു.
ALSO READ- സുഖ ദുനേക നിരവധി പേരുടെ ജീവിതം നശിപ്പിച്ചു; ഇത് ചെയ്ത പാപങ്ങൾക്കുള്ള ശിക്ഷ; കൊലപ്പെടുത്തിയത് തങ്ങളെന്ന് ലോറൻസ് ബിഷ്ണോയി
ഈ സമയത്ത് ഒപ്പമുണ്ടായിരുന്ന സുഹൃത്തുക്കളായ കൃഷ്ണഗൗഡ, ദേവരാജ് എന്നിവർ ഓടിരക്ഷപ്പെട്ടു. പ്രദേശവാസികളെത്തി തിമ്മേഗൗഡയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ കൃഷ്ണഗൗഡ, ദേവരാജ് എന്നിവരുടെപേരിൽ കേസെടുത്തതായി ഹോളേനരസിപുര പോലീസ് അറിയിച്ചു.
Discussion about this post