ന്യൂഡല്ഹി: വന്ദേ ഭാരത് ട്രെയിനിന് പിന്നാലെ സാധാരണക്കാര്ക്ക് കുറഞ്ഞ ചെലവില് യാത്ര ചെയ്യാനായി പുതിയ ട്രെയിനുമായി റെയില്വേ. വന്ദേ സാധാരണ് എന്ന പേരില് ട്രെയിന് അവതരിപ്പിക്കാനുള്ള ഒരുക്കത്തിലാണ് റെയില്വേ മന്ത്രാലയം.
സാധാരണക്കാര്ക്ക് യാത്ര ചെയ്യാന് കുറഞ്ഞ ടിക്കറ്റ് നിരക്കില് നോണ് എസി ട്രെയിനുകളായിരിക്കും ഇവ. അതേസമയം, വന്ദേ ഭാരത് ട്രെയിനില് ഉള്ളതുപോലെ തന്നെ എല്ലാ ആധുനിക സൗകര്യങ്ങളും വന്ദേ സാധരണ് ട്രെയിനില് ഉണ്ടായിരിക്കും.
ഭിന്നശേഷിക്കാര്ക്കായി പ്രത്യേക കോച്ചുകള്, എട്ട് സെക്കന്ഡ് ക്ലാസ് അണ്റിസര്വ്ഡ് കോച്ചുകള്, 12 സെക്കന്ഡ് ക്ലാസ് 3-ടയര് സ്ലീപ്പര് കോച്ചുകള് എന്നിവ വന്ദേ സാധാരണില് ഉണ്ടാവും. എന്നാല് എല്ലാ കോച്ചുകളും നോണ് എസി ആയിരിക്കും.
ഈ വര്ഷം അവസാനത്തോടെയാവും തീവണ്ടിയുടെ ആദ്യ രൂപം പുറത്തിറക്കുക. പുതിയ ട്രെയിനുകള് വരുന്നതോടെ സാധാരണ ജനങ്ങള്ക്ക് കുറഞ്ഞ ചെലവില് സുഖമമായ യാത്ര നടത്താനാവും.
Discussion about this post