മുംബൈ; ഓടിക്കൊണ്ടിരിക്കുന്ന ബസ്സിന് തീപിടിച്ച് 25 പേര്‍ വെന്തുമരിച്ചു . മഹാരാഷ്ട്രയിലാണ് നടുക്കുന്ന സംഭവം. അപകടത്തില്‍ നിരവധിപേര്‍ക്ക് പൊള്ളലേറ്റു.
മഹാരാഷ്ട്രയിലെ യവത്മലില്‍ നിന്ന് പൂനെയിലേക്ക് പോവുകയായിരുന്ന ബസ്സാണ് അപകടത്തില്‍പ്പെട്ടതെന്നാണ് വിവരം. ബുള്‍ധാനയിലെ സമൃദ്ധി മഹാമാര്‍ഗ് എക്‌സ്പ്രസ് വേയിലാണ് അപകടമുണ്ടായത്.
ശനിയാഴ്ച പുലര്‍ച്ചെ രണ്ടുമണിയോടെയായിരുന്നു നടുക്കുന്ന സംഭവം. 32 യാത്രക്കാരാണ് ബസ്സിലുണ്ടായിരുന്നത്. യാത്ര ആരംഭിച്ചതിന് തൊട്ടുപിന്നാലെ ബസ്സിന് തീ പിടിക്കുകയായിരുന്നു.
also read: ഉച്ച ഭക്ഷണം മോശമെന്ന് പരാതി: പിന്നാലെ വയറുവേദനയും ഛര്‍ദിയും; 13 വിദ്യാര്‍ഥികള്‍ ചികിത്സയില്‍
പിന്നാലെ പൊട്ടിത്തെറിച്ചു. അപകടത്തില്‍ ബസ് പൂര്‍ണമായി കത്തിനശിച്ചു. 25 പേരുടെ മൃതദേഹം ബസ്സില്‍ നിന്ന് കണ്ടെത്തിയതായി പൊലീസ് വ്യക്തമാക്കി. ഗുരുതരമായി പൊള്ളലേറ്റവരെ ബുള്‍ധാന സിവില്‍ ആശുപത്രിയിലേക്ക് മാറ്റി.