ഭുവനേശ്വർ: ബാലസോറിലുണ്ടായ ട്രെയിൻ അപകടത്തിൽ ഭർത്താവ് മരിച്ചെന്ന് കള്ളം പറഞ്ഞ് സഹായധനം കൈപ്പറ്റാൻ ശ്രമിച്ച സ്ത്രീക്കെതിരെ പരാതി നൽകി ഭർത്താവ്. ജൂൺ രണ്ടിന് രാജ്യത്തെ നടുക്കിയ അപകടത്തിൽ ഭർത്താവ് വിജയ് ദത്ത മരിച്ചെന്ന് പറഞ്ഞാണ് കട്ടക് ജില്ലയിൽ നിന്നുള്ള ഗീതാഞ്ലി ദത്ത പണം തട്ടാൻ ശ്രമിച്ചത്. എന്നാൽ ഇവരുടെ രേഖകൾ പരിശോധിച്ചപ്പോൾ അവകാശവാദം കള്ളമാമെന്ന് തെളിയുകയായിരുന്നു.
ഭർത്താവ് തന്നെ സ്ത്രീക്കെതിരെ പരാതിയുമായി രംഗത്തെത്തിയതോടെ പോലീസ് ഇവരെ താക്കിത് ചെയ്തു അയച്ചു. 13വർഷമായി ഇവർ ഭർത്താവിൽ നിന്നും പിരിഞ്ഞ് താമസിക്കുകയാണ്. താൻ മരിച്ചുവെന്ന് പറഞ്ഞു പണം തട്ടാൻ ശ്രമിച്ച ഭാര്യയ്ക്കെതിരെ നടപടി എടുക്കണമെന്നും ഭർത്താവ് ആവശ്യപ്പെട്ടു.
അതേസമയം, ഇക്കാര്യത്തിൽ ബാലസോർ ജില്ലയിലെ ബഹങ്ക പോലീസ് സ്റ്റേഷനിൽ പരാതി നൽകാൻ ഗീതാഞ്ജലിയുടെ ഭർത്താവിനു പോലീസ് നിർദേശം നൽകിയിട്ടുണ്ട്.
Discussion about this post