ന്യൂഡൽഹി: കോൺഗ്രസ് നേതാവ് രാഹുൽ ഗാന്ധിയുടെ കാലിഫോർണിയ പ്രസംഗത്തിന് മറുപടിയുമായി ബിജെപി നേതാവ്. രാഹുൽ ഗാന്ധി വിദേശത്തായിരിക്കുമ്പോൾ അദ്ദേഹത്തിലേക്ക് ജിന്നയുടെ ആത്മാവ് ആവേശിക്കുമെന്ന് മുതിർന്ന ബിജെപി നേതാവും മുൻകേന്ദ്രമന്ത്രിയുമായ മുഖ്താർ അബ്ബാസ് നഖ്വി വിമർശിച്ചു.
കാലിഫോർണിയയിൽ ഇന്ത്യൻ സമൂഹത്തെ അഭിസംബോധന ചെയ്യവെ കേന്ദ്രസർ്കകാരിനെ രാഹുൽ രൂക്ഷമായി വിമർശിച്ചിരുന്നു. സർക്കാർ കേന്ദ്ര ഏജൻസികളെ ദുരുപയോഗം ചെയ്യുകയാണെന്നും ജനങ്ങളെ ഭീഷണിപ്പെടുത്തുകയാണെന്നും രാഹുൽ വിമർശിച്ചിരുന്നു. ഇതിന് പിന്നാലെയാണ് രാഹുലിനെതിരെ ബിജെപി രംഗത്തെത്തിയത്.
രാഹുൽ ഗാന്ധി വിദേശത്തു പോകുമ്പോൾ ജിന്നയുടെ ആത്മാവോ അല്ലെങ്കിൽ അൽ ഖ്വയ്ദ പോലുള്ള ആളുകളുടെ ചിന്താഗതിയോ അദ്ദേഹത്തിന്റെ ശരീരത്തിൽ പ്രവേശിക്കും. ഇന്ത്യയിൽ വന്ന് ഒരു നല്ല ബാധയൊഴിപ്പിക്കലുകാരനിൽനിന്ന് ബാധയൊഴിപ്പിക്കൽ നടത്താൻ ഞാൻ അദ്ദേഹത്തോട് നിർദേശിക്കുകയാണെന്ന് നഖ്വി പറഞ്ഞു.
ALSO READ- തിങ്കളാഴ്ച മുതൽ കാണാനില്ല; വീട്ടമ്മയുടെ മൃതദേഹം ദുരൂഹ സാഹചര്യത്തിൽ പമ്പാ നദിയിൽ
കൂടാതെ, രാഹുൽ ഇന്ത്യയെ അപമാനിക്കാൻ കരാർ എടുത്തിരിക്കുകയാണെന്നും കോൺഗ്രസ് മുസ്ലിങ്ങളെ ച്യൂയിങ് ഗം പോലെ ഉപയോഗിച്ചിട്ടുണ്ടെന്നും മുഖ്താർ അബ്ബാസ് നഖ്വി പറഞ്ഞു.