ബംഗളുരു: കര്ണാടക നിയമസഭാ തെരഞ്ഞെടുപ്പില് ബിജെപിയെ തകര്ത്തെറിഞ്ഞ് കോണ്ഗ്രസ് ആധിപത്യം പുലര്ത്തിയിരിക്കുകയാണ്. പാര്ട്ടിയുടെ വന് വിജയത്തില് വികാരാധീനനായിരിക്കുകയാണ് ഡികെ ശിവകുമാര്. പാര്ട്ടിയുടെ വിജയത്തില് മാധ്യമങ്ങള്ക്ക് മുന്നില് പൊട്ടിക്കരഞ്ഞിരിക്കുകയാണ് ശിവകുമാര്. കനക്പുര മണ്ഡലത്തില് നിന്നാണ് ഡികെ വിജയിച്ചത്.
മുഴുവന് പ്രവര്ത്തകരുടെയും നേതാക്കളുടെയും കൂട്ടായ പ്രവര്ത്തനത്തിന്റെ ഫലമാണ് കന്നഡ മണ്ണിലെ വിജയമെന്ന് ഡികെ ശിവകുമാര് പറഞ്ഞു. കേഡര് പ്രവര്ത്തനത്തിന്റെ വിജയമാണ്. എന്റെ പാര്ട്ടി പ്രവര്ത്തകര്, നേതാക്കള്, രാഹുല് ഗാന്ധി, പ്രിയങ്ക ഗാന്ധി, മല്ലികാര്ജുന് ഖര്ഗെ, എന്നിങ്ങനെ ഒരോരുത്തരുടെയും പേരെടുത്ത് അദ്ദേഹം നന്ദി പറഞ്ഞു.
സിദ്ധരാമയ്യയുടെ പ്രവര്ത്തനങ്ങളെയും ഡികെ ഓര്മ്മിച്ചു. ഇതിനിടെ ജയിലില് കിടന്ന നാളുകളില് തന്നെ കാണാനെത്തിയ സോണിയാ ഗാന്ധിയോടുള്ള നന്ദിയും അദ്ദേഹം അറിയിച്ചു. ബൂത്ത് ലെവല് മുതലുള്ള പ്രവര്ത്തകര് എംഎല്എമാര്, എഐസിസി, മറ്റ് ജനറല് സെക്രട്ടറി എന്നിവരുടെയടക്കം പ്രവര്ത്തനഫലമാണ് ഈ വിജയമെന്നും ഡി കെ പറഞ്ഞു. നിറകണ്ണുകളോടെ കണ്ഠമിടറിയാണ് ഡികെ സംസാരിച്ചത്.
അതിവൈകാരികമായിരുന്നു ഡികെയുടെ പ്രതികരണം. വെല്ലുവിളി ഉയര്ത്തി ബിജെപിയുടെ വിലയ താരനിര മുന്നില് നിന്ന് നയിച്ച റാലികളും പ്രചാരണങ്ങളും മറുപക്ഷത്ത് നടന്നിട്ടും അതിനെയെല്ലാം നിക്ഷ്പ്രഭമാക്കി വിജയം നേടിയ ഈ തെരഞ്ഞെടുപ്പിന് നേതൃത്വം നല്കിയ ഡികെയുടേത് കൂടിയാണ് വിജയത്തിന്റെ ക്രെഡിറ്റ്.
Discussion about this post