ചെന്നൈ: പാമ്പിന്റെ തല കടിച്ചു മുറിച്ചെടുക്കുകയും ഇതിന്റെ വീഡിയോ സോഷ്യൽമീഡിയയിൽ പ്രചരിപ്പിക്കുകയും ചെയ്ത സംഭവത്തിൽ മൂന്ന് പേർ പിടിയിൽ. കൈനൂർ സ്വദേശികളായ മോഹൻ, സൂര്യ, സന്തോഷ് എന്നിവരാണ് അറസ്റ്റിലായത്.
ഇവരുടെ പ്രവർത്തിയുടെ വീഡിയോ സോഷ്യൽമീഡിയയിൽ വ്യാപകമായി പ്രചരിച്ചതോടെയാണ് അറസ്റ്റ്. തമിഴ്നാട്ടിലെ റാണിപ്പേട്ടിലാണ് സംഭവം. വീഡിയോ പ്രചരിച്ചതോടെ പരിസ്ഥിതി പ്രവർത്തകർ വന്യജീവി ക്രൈം കൺട്രോൾ അധികൃതരെ വിവരം അറിയിക്കുകയായിരുന്നു. തുടർന്നാണ് കേസ് രജിസ്റ്റർ ചെയ്തത്.
സംഭവത്തിൽ പ്രതികളിലൊരാളായ മോഹനന്റെ കയ്യിൽ പാമ്പ് കടിച്ചുവെന്ന് ആരോപിച്ചുകൊണ്ടാണ് യുവാവ് പാമ്പിന്റെ തല കടിക്കുന്നത്. ഇക്കാര്യം വീഡിയോയിൽ വ്യക്തമാണ്. പാമ്പിനെ വിട്ടയക്കാൻ കൂടെയുണ്ടായിരുന്ന രണ്ടുപേർ ആവശ്യപ്പെട്ടിട്ടും മോഹൻ കടിക്കുന്നത് തുടർന്നു.
പാമ്പിന്റെ ചോരയൊലിക്കുന്ന ശരീരത്തിന്റേയും വേർപിരിഞ്ഞ തലയും വീഡിയോയിൽ വ്യക്തമാണ്. തുടർന്ന് പ്രതികൾ പൊട്ടിചിരിക്കുന്നതും വീഡിയോയിൽ കേൾക്കാം. പ്രതികൾക്കെതിരെ മൃഗപീഡനം, വന്യമൃഗത്തെ കൊലപ്പെടുത്തൽ തുടങ്ങിയ കുറ്റങ്ങൾ ചുമത്തിയിട്ടുണ്ട്.
Discussion about this post