ചെന്നൈ: ട്രാന്‍സ്‌പോര്‍ട്ട് ബസും ട്രക്കും കൂട്ടിയിടിച്ച് വന്‍അപകടം. മൂന്ന് സ്ത്രീകള്‍ക്ക് ദാരുണാന്ത്യം. തമിഴ്‌നാട്ടിലെ ശിവഗംഗ ജില്ലയിലാണ് നടുക്കുന്ന അപകടം.
ശിവഗംഗയിലെ തിരുമഞ്ഞോലയ്ക്ക് സമീപത്തുവെച്ചാണ് തമിഴ്‌നാട് സംസ്ഥാന ട്രാന്‍സ്‌പോര്‍ട്ട് ബസും ട്രക്കും കൂട്ടിയിടിച്ചത്. അപകടം നടക്കുമ്പോള്‍ 47 പേരാണ് ബസില്‍ യാത്ര ചെയ്തിരുന്നത്.
മൂന്ന് സ്ത്രീകള്‍ സംഭവസ്ഥലത്തുവെച്ചുതന്നെ മരിച്ചതായി ദേശീയ വാര്‍ത്താ ഏജന്‍സിയായ എ എന്‍ ഐ റിപ്പോര്‍ട്ട് ചെയ്തിട്ടുണ്ട്. അപകടത്തില്‍ നിരവധിപേര്‍ക്ക് പരിക്കേറ്റിട്ടുണ്ട്.
അപകടത്തില്‍ പരിക്കേറ്റവരെ ചികിത്സയ്ക്കായി ശിവഗംഗ ആശുപത്രിയില്‍ പ്രവേശിപ്പിച്ചിട്ടുണ്ട്. അതേസമയം, അപകടത്തെ കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.
Discussion about this post