പാറ്റ്‌ന: പാമ്പിനെ പിടികൂടി കഴുത്തിലിട്ട് കളിക്കവെ അതേ പാമ്പിന്റെ കടിയേറ്റ് യുവാവിന് ദാരുണാന്ത്യം. ബിഹാറിലെ നവാദയിലാണ് സംഭവം.
ഗോവിന്ദ്പുര്‍ നിവാസിയായ ദിലീപാണ് മരിച്ചത്. പാമ്പിനെ കഴുത്തിലിട്ട് തുള്ളിച്ചാടുന്ന ദിലീപിന്റെ ദൃശ്യങ്ങള്‍ സോഷ്യല്‍മീഡിയയില്‍ വൈറലായിരുന്നു.
ദിലീപ് പാമ്പിനെ കഴുത്തിലൂടെ ഇടുകയും ചില സമയത്ത് അതിനെ കെട്ടിപ്പിടിക്കുകയും ചെയ്തു. പാമ്പിനെ പ്രദര്‍ശിപ്പിക്കുന്നതിനിടയില്‍ പാമ്പ് ഇയാളെ തിരിച്ച് കടിക്കുകയായിരുന്നു. പാമ്പുകടിയേറ്റ ദിലീപിനെ ഉടന്‍ തന്നെ സമീപത്തുള്ള ആശുപത്രിയില്‍ എത്തിച്ചിരുന്നു.
എന്നാല്‍ അപ്പോഴേക്കും അയാള്‍ മരിച്ചതായി ആശുപത്രി വൃത്തങ്ങള്‍ വ്യക്തമാക്കി. അലക്ഷ്യമായി പാമ്പുകളെ കൈകാര്യം ചെയ്യരുതെന്ന് മുന്നറിയിപ്പുണ്ടെങ്കിലും പലരും ഇതവഗണിക്കുകയാണ് പതിവ്. ഇത്തരം മരണങ്ങള്‍ ആവര്‍ത്തിക്കാന്‍ കാരണം അതാണെന്ന് അധികൃതര്‍ പറഞ്ഞു.
Discussion about this post