ഭോപ്പാല്‍: ക്ഷേത്രത്തിലെ തിരക്കില്‍ അമ്മയില്‍ നിന്ന് കൂട്ടംതെറ്റിയ ആറുവയസുകാരിയെ ബലാത്സംഗം ചെയ്ത് കൊലപ്പെടുത്തിയ നിലയില്‍ . ക്ഷേത്രത്തില്‍ വച്ച് കൂട്ടം തെറ്റിയ കുട്ടിയുടെ മൃതദേഹം കിലോമീറ്ററുകള്‍ക്കകലെയാണ് കണ്ടെത്തിയത്. വായില്‍ തുണി തിരുകിയ നിലയിലായിരുന്നു മൃതദേഹം.
മധ്യപ്രദേശില്‍ ശിവ്പുരിയില്‍ കരേര പോലീസ് സ്റ്റേഷന്‍ പരിധിയിലെ ബഡോറ ഗ്രാമത്തില്‍ വെള്ളിയാഴ്ച രാത്രിയാണ് സംഭവം. ക്ഷേത്രത്തില്‍ നിന്ന് കൂട്ടം തെറ്റിയ കുട്ടി വീട്ടില്‍ തിരിച്ചെത്തിയുണ്ടാകുമെന്നാണ് അമ്മ കരുതിയിരുന്നത്. എന്നാല്‍ വീട്ടില്‍ എത്തതിനെ തുടര്‍ന്ന് പോലീസില്‍ പരാതി നല്‍കുകയായിരുന്നു.
ശനിയാഴ്ച രാവിലെ ഗ്രാമത്തിലെ സര്‍ക്കാര്‍ സ്‌കൂളിന് പിന്നില്‍ വായില്‍ തുണി തിരുകിയ നിലയില്‍ കുട്ടിയുടെ മൃതദേഹം കണ്ടെത്തിയതെന്നും പ്രതികള്‍ക്കെതിരെ പോക്സോ ഉള്‍പ്പടെ വിവിധ വകുപ്പുകള്‍ പ്രകാരം കേസ് എടുത്തതായും സംഭവത്തില്‍ അന്വേഷണം പുരോഗമിക്കുകയാണെന്നും പോലീസ് പറഞ്ഞു. പ്രതിയെ പിടികൂടാന്‍ സഹായിക്കുന്നവര്‍ക്ക് 10,000 രൂപ പാരിതോഷികം നല്‍കുമെന്ന് ജില്ലാ പോലീസ് സൂപ്രണ്ട് രാജേഷ് ചന്ദേല്‍ പറഞ്ഞു.
Discussion about this post