പൊതുവേ മൃഗങ്ങള്‍ സാധുക്കളാണ്. അങ്ങോട്ട് ഉപദ്രവിച്ചാല്‍ മാത്രം തിരിച്ച് ആക്രമിക്കുന്നവരാണ് ഏറെയും. ഒരു കാര്യവുമില്ലാതെ മിണ്ടാപ്രാണിയെ ഉപദ്രവിച്ച് എട്ടിന്റെ പണി തിരിച്ചുവാങ്ങുന്നയാളുടെ വീഡിയോയാണ് വൈറലാകുന്നത്.
ഒരു പശുവിനെ ഉപദ്രവിക്കുന്നയാളാണ് വീഡിയോയില്‍. വളരെ മോശം രീതിയിലാണ് അയാള്‍ പശുവിനെ ഉപദ്രവിക്കുന്നത്. 16 സെക്കന്റുള്ള വീഡിയോ ആരംഭിക്കുന്നത് ഒരാള്‍ ഒരു പശുവിന്റെ കാലില്‍ കെട്ടിയിട്ടുള്ള ഒരു കയര്‍ പിടിച്ച് വലിക്കുന്നതോടെയാണ്.
രണ്ട് കുട്ടികള്‍ ഇയാള്‍ ചെയ്യുന്നതും നിരീക്ഷിച്ച് അടുത്ത് നില്‍ക്കുന്നുമുണ്ട്. കയര്‍ വലിച്ചഴിക്കാന്‍ പറ്റാതെ വരുന്നതോടെ ഇയാള്‍ പശുവിനെ ഉപദ്രവിച്ച് തുടങ്ങുകയാണ്. ഇയാള്‍ പശുവിന്റെ വാലില്‍ പിടിച്ച് വലിക്കുകയും ഒരു ദയയുമില്ലാതെ അതിന്റെ വയറ്റില്‍ ചവിട്ടുന്നതും ഒക്കെ കാണാം. ട്വിറ്ററിലാണ് ഈ വീഡിയോ പങ്കുവച്ചിരിക്കുന്നത്.
ഇയാള്‍ പശുവിന്റെ വാല്‍ നിര്‍ത്താതെ പിടിച്ച് വലിക്കുകയാണ്. എന്നാല്‍, അവസാനം സഹികെട്ട പശു ഇയാള്‍ക്ക് നേരെ തിരിഞ്ഞു. അത് ഇയാളെ തിരിച്ച് ഉപദ്രവിക്കാന്‍ തുടങ്ങി. അത് അയാളെ കുത്തുകയും നിലത്ത് വീഴ്ത്തുകയും കണക്കിന് ഉപദ്രവിക്കുകയും ചെയ്യുന്നതാണ് വീഡിയോയില്‍ കാണുന്നത്.
നിരവധിപേരാണ് വീഡിയോ കണ്ടത്. കര്‍മ്മഫലമാണ് എന്നും കൊടുത്താല്‍ തിരിച്ച് കിട്ടുമെന്നും, അയാള്‍ക്ക് അത് കിട്ടേണ്ടത് തന്നെ ആയിരുന്നു എന്നും മിക്കവരും കമന്റ് ചെയ്യുന്നു.
Kalesh With Animal (Cow-Gang Assemble 💪) pic.twitter.com/JaOHU7WjRo
— r/Ghar Ke Kalesh (@gharkekalesh) October 13, 2022