നാസിക്കിൽ ട്രക്കിലിടിച്ച് ബസിന് തീപ്പിടിച്ചു; 11 മരണം, 32ഓളം പേർക്ക് പരിക്ക്! 5 ലക്ഷം രൂപ ധനസഹായം

നാസിക്: മഹാരാഷ്ട്രയിലെ നാസിക്കിൽ ബസിന് തീപ്പിടിച്ചുണ്ടായ അപകടത്തിൽ 11 മരണ . 32ഓളം പേർക്ക് പരിക്കേറ്റു. ഔറംഗബാദ് റോഡിൽ പുലർച്ചെ 5.15 ഓടെയാണ് ദാരുണമായ അപകടമുണ്ടായത്. മുംബൈയിൽ നിന്നും യാത്രക്കാരുമായി പുറപ്പെട്ട ബസ് ട്രക്കുമായി കൂട്ടിയിടിച്ചശേഷം പൊടുന്നനെ തീപിടിക്കുകയായിരുന്നു.

മറ്റൊരു വാഹനം ഇടിച്ച് റോഡിലേയ്ക്ക് തെറിച്ചു വീണു; യുവതിയുടെ ശരീരത്തിലൂടെ ലോറി കയറിയിറങ്ങി! അതിദാരുണ മരണം നേരിൽ കണ്ട് ഭർത്താവ്

പരിക്കേറ്റവരിൽ പലരുടെയും നില ഗുരുതരമാണെന്നാണ് വിവരം. മരണസംഖ്യ ഉയർന്നേയ്ക്കുമെന്നും റിപ്പോർട്ട് ഉണ്ട്. പരിക്കേറ്റവരെ നാസിക്കിലെ വിവിധ ആശുപത്രികളിൽ പ്രവേശിപ്പിച്ചുവെന്ന് നാസിക്ക് പോലീസ് ഡെപ്യൂട്ടി കമ്മീഷണർ അമോൽ താംബെ അറിയിച്ചു.

അതേസമയം, പരിക്കേറ്റവരുടെ ചികിത്സാ ചിലവ് വഹിക്കുമെന്ന് സംസ്ഥാന സർക്കാർ അറിയിച്ചു. കടാതെ മരിച്ചവരുടെ കുടുംബങ്ങൾക്ക് സർക്കാർ അഞ്ച് ലക്ഷം രൂപവീതം അടിയന്തര ധനസഹായം അനുവദിച്ചു.