ലഖ്‌നൗ: എലികള്‍ മദ്യപിക്കും! അതും ആയിരം ലിറ്ററോളം മദ്യം വെള്ളം പോലും ചേര്‍ക്കാതെ! യുപി പോലീസിന്റെതാണ് ഈ കണ്ടെത്തല്‍. യുപിയിലെ വിവിധയിടങ്ങളില്‍ നിന്നും റെയ്ഡില്‍ പിടിച്ചെടുത്ത 1000 ലിറ്റര്‍ മദ്യം പോലീസ് സ്റ്റോര് റൂമില്‍ സൂക്ഷിച്ചിരുന്നു. കഴിഞ്ഞ ദിവസം സ്റ്റോര് തുറന്നപ്പോഴാണ് മദ്യക്കുപ്പികളില്‍ പലതും കാലിയായി കിടക്കുന്നത് കണ്ടത്. പിന്നാലെ ഇത് എലികള്‍ കുടിച്ചുതീര്‍ത്തെന്നാണ് പോലീസ് റിപ്പോര്‍ട്ടില്‍ വിശദീകരിച്ച് പറയുന്നത്.
അതേസമയം, കഴിഞ്ഞദിവസം പുറത്തുവന്ന പോലീസിന്റെ വിശദീകരണക്കുറിപ്പിന് പിന്നാലെയാണ് ശാസ്ത്രലോകം ഒന്നടങ്കം. എലികള്‍ മദ്യപിക്കുമോ എന്നറിയാനായി വിദഗ്ദരെ സമീപിക്കാനും ചിലര്‍ മറന്നില്ല.
എന്നാല്‍, ഉത്തര്‍ പ്രദേശില്‍ ബറേയ്‌ലിയിലെ കന്റോണ്‍മെന്റ് പോലീസ് സ്റ്റേഷന്റെ വിചിത്രവാദം അംഗീകരിച്ചിരിക്കുകയാണ് ബറേയ്‌ലിയില്‍ തന്നെയുള്ള ജന്തുശാസ്ത്ര അധ്യാപകന്‍. വെള്ളം ലഭിക്കാത്ത സാഹചര്യത്തില്‍ എലികള്‍ മദ്യം കുടിക്കുമെന്ന വസ്തുത ബറേയ്‌ലിയിലെ ജന്തുശാസ്ത്ര അധ്യാപകന്‍ ശരിവെച്ചു. എങ്കിലും, സംഭവത്തില്‍ കൂടുതല്‍ അന്വേഷണം നടന്നുവരികയാണ്.
1000 ലിറ്റര്‍ മദ്യമൊക്കെ എലികള്‍ കുടിച്ചുതീര്‍ത്തെന്നത് അവിശ്വസനീയമാണ്. മദ്യം മോഷണം പോയിരിക്കാമെന്ന സംശയവും അധ്യാപകന്‍ പങ്കുവെച്ചു.