ചെന്നൈ: പത്താം ക്ലാസ് വിദ്യാർത്ഥിയെ കൂട്ടബലാത്സംഗം ചെയ്ത് ദൃശ്യങ്ങൾ പകർത്തി ആഘോഷിച്ച് സഹപാഠികൾ. തമിഴ്‌നാട്ടിലെ കടലൂർ ജില്ലയിലാണ് ഞെട്ടിപ്പിക്കുന്ന ക്രൂരത അരങ്ങേറിയത്. സംഭവത്തിൽ അതേ സ്‌കൂളിലെ മൂന്ന് പത്താംക്ലാസ് വിദ്യാർഥികളെ പോലീസ് അറസ്റ്റുചെയ്തു. പ്ലസ് ടുവിന് പഠിക്കുന്ന ഒരു ആൺകുട്ടിയുടെ പിറന്നാൾ ആഘോഷത്തിൽ പെൺകുട്ടി വീട്ടിൽ അറിയിക്കാതെ പങ്കെടുത്തതാണ് ഈ ക്രൂരതകളുടെ തുടക്കം.
അമര്‍നാഥില്‍ മേഘവിസ്‌ഫോടനം : 15 മരണം, നാല്പതിലധികം പേരെ കാണാതായി
പിറന്നാൾ ആഘോഷിക്കുന്ന വിദ്യാർഥിക്കൊപ്പം പെൺകുട്ടി നിൽക്കുന്ന ഫോട്ടോ കാണിച്ച് മൂന്ന് പത്താംക്ലാസ് വിദ്യാർഥികൾ ഭീഷണിപ്പെടുത്തി. ചിത്രം അച്ഛനമ്മമാർക്ക് അയച്ചുകൊടുക്കുമെന്നും അത് മായ്ച്ചു കളയണമെങ്കിൽ തങ്ങളോടൊപ്പം വരണമെന്നുമായിരുന്നു സംഘത്തിന്റെ ആവശ്യം. ശേഷം, ഭീഷണിക്ക് വഴങ്ങി കൂട്ടത്തിലൊരാളുടെ വീട്ടിൽ ചെന്നപ്പോഴാണ് ആക്രമണമുണ്ടായത്.
അവിടെവെച്ച് മൂന്ന് വിദ്യാർഥികളും പെൺകുട്ടിയെ ഇരയാക്കുകയായിരുന്നു. ദൃശ്യങ്ങൾ മൊബൈൽ ക്യാമറയിൽ പകർത്തുകയും ചെയ്തു. ആരോടെങ്കിലും പറഞ്ഞാൽ ദൃശ്യങ്ങൾ പുറത്തുവിടുമെന്ന് വിദ്യാർത്ഥികൾ ഭീഷണിപ്പെടുത്തി. പെൺകുട്ടി സ്‌കൂളിൽപോകാൻ മടി കാണിക്കുകയും ശാരീരികാസ്വാസ്ഥ്യങ്ങൾ പ്രകടിപ്പിക്കുകയും ചെയ്തപ്പോഴാണ് ക്രൂരത വീട്ടുകാരും അറിഞ്ഞത്.
Discussion about this post