പനജി: പറന്നുയരുന്ന വിമാനത്തിന്റെ ശുചിമുറിയില്‍ പുകവലിച്ച യാത്രക്കാരന്‍ അറസ്റ്റില്‍. അഹമ്മദാബാദില്‍ നിന്ന് ഗോവയിലേക്ക് വരികയായിരുന്ന ഇന്‍ഡിഗോ ആര്‍ഇ-947 വിമാനത്തിലാണ് സംഭവം. ശുചിമുറിയില്‍ നിന്ന് പുകവലിയുടെ ഗന്ധം ഉള്ളിലേക്ക് പടര്‍ന്നതോടെയാണ് ക്യാബിന്‍ ക്രൂ ഇയാളെ പിടികൂടിയത്. യാത്രികരുടെ പരാതിയുടെ അടിസ്ഥാനത്തില്‍ ഇയാളെ ജീവനക്കാര്‍ പിടകൂടുകയായിരുന്നു.
ഇന്ത്യയിലെ ആഭ്യന്തര വിമാനസര്‍വീസുകളില്‍ പുകവലിക്കുന്നത് നിയമവിരുദ്ധമാണ്. വിമാനം ഗോവയിലെത്തിയ ഉടന്‍ ഇയാളെ പോലീസ് പിടികൂടി സിആര്‍പിഎഫിന് കൈമാറി. കഴിഞ്ഞ ആഴ്ച വിസ്താര വിമാനത്തില്‍ വച്ച് ഒരു യാത്രക്കാരന്‍ പുകവിക്കണമെന്ന് ശഠിച്ചതിനെ തുടര്‍ന്ന് ഡല്‍ഹിയില്‍ മൂന്ന് മണിക്കൂറോളമാണ് വിമാനം നിര്‍ത്തിയിട്ടത്.