മാര്‍ക്കറ്റില്‍ ഗ്യാസ് ബലൂണ്‍ പൊട്ടിത്തെറിച്ചു; നാലുപേര്‍ക്ക് പരിക്ക്

രാജ്‌കോട്ട്: ഗുജറാത്തിലെ തിരക്കേറിയ രാജ്‌കോട്ടിലെ മാര്‍ക്കറ്റില്‍ ഗ്യാസ് ബലൂണ്‍ പൊട്ടിത്തെറിച്ച് നാലുപേര്‍ക്ക് പരിക്ക്. നിരവധി ആളുകള്‍ മാര്‍ക്കറ്റിലൂടെ നടന്നു നീങ്ങവെയാണ് അപകടം ഉണ്ടായത്. ബലൂണ്‍ കച്ചവടക്കാരന്റെ കൈയിലിരുന്ന ബലൂണുകള്‍ പൊട്ടിത്തെറിച്ചാണ് അപകടമുണ്ടായത്.

അപകടത്തില്‍ പരിക്കേറ്റവരെ ആശുപത്രിയില്‍ പ്രവേശിപ്പിച്ചു. സംഭവത്തെ കുറിച്ച് പോലീസ് അന്വേഷണം ആരംഭിച്ചു.