ന്യൂഡൽഹി: ഉത്തർപ്രദേശിലെ ലഖിംപൂർ ഖേരിയിൽ കർഷകരുടെ ഇടയിലേക്ക് മന്ത്രിപുത്രന്റെ വാഹനവ്യൂഹം പാഞ്ഞുകയറുന്ന വീഡിയോ പങ്കുവെച്ച് കോൺഗ്രസിന്റെ ഔദ്യോഗിക പേജ്. ട്വിറ്റർ പേജിലാണ് ലഖിംപൂർ ഖേരിയുടേതെന്ന പേരിൽ വീഡിയോ പങ്കുവെച്ചിരിക്കുന്നത്.
TW: Extremely disturbing visuals from #LakhimpurKheri
The silence from the Modi govt makes them complicit. pic.twitter.com/IpbKUDm8hJ
— Congress (@INCIndia) October 4, 2021
പ്രതിഷേധവുമായി നടന്നുപോകുന്ന കർഷകർക്ക് ഇടയിലേക്ക് ജീപ്പ് പാഞ്ഞുകയറുന്നതാണ് ദൃശ്യങ്ങൾ. വെള്ള കുർത്തയും പച്ച തലപ്പാവും ധരിച്ച ഒരു കർഷകൻ വാഹനത്തിന്റെ ബോണറ്റിൽ കുടുങ്ങി കിടക്കുന്നതും മറ്റുള്ളവർ പ്രാണരക്ഷാർഥം ഓടിമാറുന്നതും വീഡിയോയിൽ കാണാം. പരിക്കേറ്റ് കിടക്കുന്ന അരഡസനോളം പേരെ ഗൗനിക്കാതെ ജീപ്പ് മുന്നോട്ടുപോകുന്നതും അതിന് പിറകിലായി ഒരു കറുത്ത എസ്യുവി കടന്നുപോകുന്നതും വിഡിയോയിലുണ്ട്.
‘മോഡി സർക്കാറിന്റെ മൗനം അവരെ പങ്കാളികളാക്കുന്നുണ്ടോ’ എന്ന അടിക്കുറിപ്പിനൊപ്പമാണ് വിഡിയോ. അതേസമയം കോൺഗ്രസിൻറെ ഔദ്യോഗിക ട്വിറ്റർ പേജിൽ പങ്കുവെച്ചിരിക്കുന്ന വീഡിയോയുടെ ആധികാരികത സംബന്ധിച്ച് കൂടുതൽ വിവരങ്ങൾ ലഭ്യമല്ല.
Discussion about this post