തെന്നിന്ത്യന്‍ താരം വിദ്യുലേഖ രാമന് വിവാഹിതയായി. ഫിറ്റ്‌നസ് ന്യൂട്രീഷ്ണല്‍ എക്‌സ്പര്‍ട്ട് ആയ സഞ്ജയ് ആണ് താരത്തിന് മിന്നു ചാര്‍ത്തിയത്. അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങില്‍ പങ്കെടുത്തത്.
ഡേറ്റിങ്ങ് ആപ്പിലൂടെയാണ് വിദ്യുവും സഞ്ജയും പരിചയപ്പെടുന്നത്. സൗഹൃദം പിന്നീട് പ്രണയമാവുകയായിരുന്നു. തമിഴ് സിനിമയിലെ ഹാസ്യവേഷങ്ങളിലൂടെയാണ് വിദ്യുലേഖ ശ്രദ്ധനേടുന്നത്. തമിഴ് നടന്‍ മോഹന്‍ രാമന്റെ മകള്‍ കൂടിയായ വിദ്യുലേഖ ഗൗതം മേനോന്‍ ചിത്രമായ ‘നീ താനെ എന്‍ പൊന്‍വസന്ത’ത്തിലൂടെയാണ് അഭിനയരംഗത്തെത്തിയത്.
ജില്ല, വാസുവും ശരവണനും ഒന്നാ പഠിച്ചവന്‍ഗ, പുലി തുടങ്ങിയ ചിത്രങ്ങളിലൂടെ പ്രേക്ഷക പ്രിയങ്കരിയായി. ബീച്ച് വെഡ്ഡിങ്ങിന്റെയും ഹല്‍ദി മെഹന്ദി റോക്ക ചടങ്ങുകളുടെയും ചിത്രങ്ങള്‍ ഇപ്പോള്‍ സമൂഹമാധ്യമങ്ങളില്‍ വൈറലാണ്.
Discussion about this post