ലഖ്‌നൗ: ഹനുമാന്റെ പേരിലുള്ള രാഷ്ട്രീയ വിവാദങ്ങള്‍ക്ക് പുതിയ വഴിത്തിരിവ്. ഹനുമാന്‍ ദളിതനാണെന്ന യോഗി ആദിത്യ നാഥിന്റെ കണ്ടെത്തലിനെ തള്ളി ബിജെപി എംഎല്‍സി ബുക്കല്‍ നവാബ് രംഗത്ത്. ഹനുമാന്‍ ഒരു മുസ്ലീമാണെന്നാണ് നവാബിന്റെ കണ്ടെത്തല്‍.
‘ഹനുമാന്‍ മുസ്ലീം ആണെന്നാണ് എന്റെ വിശ്വാസം. അത്‌കൊണ്ടാണ് മുസ്ലീമുകള്‍ക്കിടയില്‍ ഹനുമാന്റെ പേരിന് സാമ്യമുള്ള പേരുകള്‍ ഉള്ളത്. റഹ്മാന്‍,റംസാന്‍,ഫാര്‍മാന്‍,ഖുര്‍ബാന്‍ തുടങ്ങിയ പേരുകള്‍ അതിന് ഉദാഹരണമാണ്. ഇത്തരത്തിലുള്ള പേരുകള്‍ ഇസ്ലാമില്‍ മാത്രമേ ഉള്ളൂ’ എന്ന് നവാബ് പറഞ്ഞു
ഹനുമാനില്‍ നിന്ന് ഉരുത്തിരിഞ്ഞ് വന്ന പേരുകളാണ് ഇത്. ഹനുമാന്‍ ഇല്ലായിരുന്നെങ്കില്‍ ഈ പേരുകള്‍ ഉണ്ടാകില്ലായിരുന്നെന്നും നവാബ് കൂട്ടിച്ചേര്‍ത്തു.
നേരത്തെ ഹനുമാന്‍ ദളിതനാണെന്ന ഉത്തര്‍പ്രദേശ് മുഖ്യമന്ത്രി യോഗി ആദിത്യ നാഥിന്റെ പരാമര്‍ശം വിവാദമായിരുന്നു. രാജസ്ഥാനില്‍ നടന്ന തെരഞ്ഞെടുപ്പ് പ്രചാരണത്തിനിടെയായിരുന്നു യോഗിയുടെ പ്രസ്താവന.
#WATCH: BJP MLC Bukkal Nawab says "Hamara man'na hai Hanuman ji Muslaman theyy, isliye Musalmanon ke andar jo naam rakha jata hai Rehman, Ramzan, Farman, Zishan, Qurban jitne bhi naam rakhe jaate hain wo karib karib unhi par rakhe jaate hain." pic.twitter.com/1CoBIl4fPv
— ANI (@ANI) December 20, 2018
Discussion about this post