ജയ്പൂര്: രാജസ്ഥാനില് ബ്ലൂടൂത്ത് ഹെഡ് ഫോണ് പൊട്ടിത്തെറിച്ച് 28 കാരന് മരിച്ചു. രാകേഷ് കുമാര് എന്ന യുവാവാണ് ദാരുണമായി മരിച്ചത്. ജയ്പൂരിലെ ഉദയപുര ഗ്രാമത്തിലാണ് സംഭവം നടന്നത്. പഠനാവശ്യത്തിനായി ഹെഡ്ഫോണ് ഉപയോഗിച്ചതായിരുന്നു രാകേഷ്.
ഒരു മത്സര പരീക്ഷയ്ക്ക് വേണ്ടി തയ്യാറെടുക്കുന്നതിനിടെയാണ് രാകേഷ് ചെവിയില് വെച്ചിരുന്ന ഹെഡ്ഫോണ് പൊട്ടിത്തെറിച്ചത്. ഇലക്ട്രിക്കല് ഔട്ട്ലെറ്റില് കുത്തിവെച്ചു കൊണ്ടായിരുന്നു ഹെഡ്ഫോണ് ഉപയോഗം.
പൊട്ടിത്തെറി നടന്നയുടനെ യുവാവ് ബോധരഹിതനായി. ഉടന് തന്നെ ആശുപത്രിയിലെത്തിച്ചെങ്കിലും ചികിത്സയിലിരിക്കെ മരണപ്പെട്ടു. രാകേഷിന്റെ രണ്ട് ചെവികള്ക്കും ഗുരുതര പരിക്കേറ്റിരുന്നു. പൊട്ടിത്തെറി മൂലമുണ്ടായ ഹൃദയാഘാതം മൂലമായിരിക്കാം രാകേഷിന്റെ മരണത്തിന് ഇടയാക്കിയതെന്ന് സിദ്ധിവിനായക് ആശുപത്രിയിലെ ഡോ. എല്എന് രുണ്ട്ല പറഞ്ഞു.
Discussion about this post