ന്യൂഡല്‍ഹി: ഡല്‍ഹി മെട്രോ ട്രെയിനില്‍ സൗജന്യ യാത്ര നടത്തുന്ന കുരങ്ങനാണ് ഇന്ന് സോഷ്യല്‍മീഡിയയില്‍ ഇടംപിടിച്ചിരിക്കുന്നത്. യമുന ബാങ്ക് സ്റ്റേഷന്‍ മുതല്‍ ഐ.പി സ്റ്റേഷന്‍ വരെയുള്ള യാത്രയിലാണ് കുരങ്ങന്‍ കയറി കൂടിയത്.
സംഭവത്തിന്റെ ദൃശ്യങ്ങള്‍ ട്വിറ്ററില്‍ വൈറലാണ്. അതേസമയം, എവിടെ നിന്നാണ് കുരങ്ങ് ട്രെയിനകത്തേക്ക് കയറിയതെന്ന് വ്യക്തമല്ല. വൈകുന്നേരം 4.45 മണിയോടെയാണ് കുരങ്ങ് യമുന ബാങ്ക് സ്റ്റേഷനില്‍ നിന്ന് ട്രെയിനകത്തേക്ക് പ്രവേശിച്ചത്. കോച്ചിനകത്ത് അല്‍പ നേരം കറങ്ങിനടന്ന കുരങ്ങ് ഐ.പി സ്റ്റേഷന്‍ എത്തുന്നത് വരെ സീറ്റില്‍ കയറി ഇരുന്ന് പുറത്തെ കാഴ്ചകള്‍ കണ്ട് ആസ്വദിച്ചു.
Monkey was spotted around 4:45 pm as train moved from Yamuna Bank to IP & moved away on its own by the time it was brought to DMRC's notice. No harm caused to anyone & it wasn’t spotted thereafter in metro premises: DMRC on video(in pic)showing a monkey inside a Delhi Metro train pic.twitter.com/gKhKKucGJm
— ANI (@ANI) June 20, 2021
യാത്രക്കാരെ ഉപദ്രവിക്കുമോ എന്ന് ആശങ്ക ഉണ്ടായിരുന്നെങ്കിലും ആരെയും ഉപദ്രവിക്കാതെ കുരങ്ങന്‍ അടങ്ങിയിരുന്നു. കോച്ചിലുണ്ടായിരുന്ന മറ്റ് യാത്രക്കാരാണ് കുരങ്ങച്ചാരുടെ മെട്രോ യാത്ര പകര്‍ത്തി സോഷ്യല്‍ മീഡിയയില്‍ പോസ്റ്റ് ചെയ്തത്. ഐ.പി സ്റ്റേഷന്‍ എത്തിയപ്പോല്‍ കുരങ്ങും ട്രെയിനില്‍ നിന്ന് പുറത്തിറങ്ങി പോയി. പിന്നീട് അതിന് സ്റ്റേഷന്റെ പരിസരത്ത് കണ്ടിട്ടില്ലെന്ന് മെട്രോ അധികൃതരും പ്രതികരിച്ചു.