മുംബൈ: ഓമനിച്ച് വളര്‍ത്തിയിരുന്ന ആടിനെ വിറ്റതില്‍ മനംനൊന്ത് 23 കാരന് ആത്മഹത്യ ചെയ്തു. നദീം ഖാന്‍ എന്ന യുവാവാണ് ആത്മഹത്യ ചെയ്തത്. മുംബൈയിലെ സാന്റാക്രൂസിലെ ശാസ്ത്രി നഗറിലാണ് സംഭവം.
ലോക്ഡൗണില്‍ വരുമാനം നിലച്ചതിന് പിന്നാലെ നദീം ഓമനിച്ചു വളര്‍ത്തിയിരുന്ന ആടിനെ വീട്ടുകാര്‍ വിറ്റിരുന്നു. വില്‍ക്കരുതെന്ന് നദീം ആവശ്യപ്പെട്ടിരുന്നുവെങ്കിലും മറ്റ് വഴികള്‍ ഇല്ലാതായതോടെ മാതാപിതാക്കള്‍ ആടിനെ വില്‍ക്കുകയായിരുന്നു.
ഇതിന് പിന്നാലെ നദീം അസ്വസ്ഥനായിരുന്നു. തുടര്‍ന്ന് കഴിഞ്ഞ ദിവസം മുറിയിലെ സീലിംഗില്‍ നദീം ഖാന്‍ തൂങ്ങി മരിക്കുകയായിരുന്നു. രാവിലെ നദീമിനെ പുറത്തേക്ക് കാണാതെ വന്ന വിളിച്ചപ്പോള്‍ പ്രതികരണമില്ലാതെ വന്നതോടെ നദീമിന്റെ സഹോദരി മുറിയുടെ വാതില്‍ തകര്‍ത്ത് അകത്തുകയറുകയായിരുന്നു.താഴെയിറക്കി നദീമിനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.