ഷിംല: ഹിമാചല്‍ പ്രദേശില്‍ ലോക്ക്ഡൗണ്‍ ഇളവുകള്‍ പ്രഖ്യാപിച്ചതോടെ ഷിംലയിലേക്ക് സഞ്ചാരികളുടെ കുത്തൊഴുക്ക്. അതിര്‍ത്തിയില്‍ വാഹനങ്ങളുടെ വന്‍ നിരയും തിരക്കും അനുഭവപ്പെട്ടു. പര്‍വാനൂവിലെ അന്തര്‍സംസ്ഥാന പാതയില്‍ നൂറുകണക്കിനു വാഹനങ്ങള്‍ കുടുങ്ങിയതിന്റെ ദൃശ്യങ്ങള്‍ സമൂഹമാധ്യമങ്ങളിലൂടെ പുറത്തുവരുന്നുണ്ട്.
അയല്‍ സംസ്ഥാനങ്ങളില്‍ നിന്നുള്ളവരുടെ യാത്ര പാസ് പരിശോധിക്കുന്നിടത്താണ് വാഹനങ്ങളുടെ നീണ്ട നിരയുള്ളത്. ഉത്തരേന്ത്യയിലെ വിവിധ പ്രദേശങ്ങളില്‍ കടുത്ത വേനല്‍ ആരംഭിച്ചതോടെയാണ് സഞ്ചാരികളുടെ ഹിമാചലിലേക്കുള്ള ഒഴുക്ക് ആരംഭിച്ചത്.
കോവിഡ് കേസുകള്‍ ഗണ്യമായി കുറഞ്ഞതോടെ കഴിഞ്ഞ വെള്ളിയാഴ്ചയോടെയായിരുന്നു ഹിമാചല്‍ പ്രദേശില്‍ ലോക്ക്ഡൗണ്‍ നിയന്ത്രണങ്ങള്‍ പൂര്‍ണമായും ഒഴിവാക്കിയത്. സംസ്ഥാനത്തേക്ക് പ്രവേശിക്കുന്നതിന് ആര്‍ടിപിസിആര്‍ പരിശോധനാഫലം വേണ്ടെന്നാണ് പുതിയ നിര്‍ദേശം.
സംസ്ഥാനത്ത് ഇതുവരെ 19,85,50 പേര്‍ക്കാണ് കോവിഡ് സ്ഥിരീകരിച്ചത്. നിലവില്‍ 4777 പേരാണ് ചികിത്സയിലുള്ളത്.
Discussion about this post