റാഞ്ചി: മാമ്പഴം മോഷ്ടിച്ചെന്നാരോപിച്ച് ആറുവയസുകാരിയെ ശ്വാസം മുട്ടിച്ച് കൊലപ്പെടുത്തി ഒമ്പതും പന്ത്രണ്ടും വയസുള്ള സഹോദരിമാര്‍. ജാര്‍ഖണ്ഡിലെ വെസ്റ്റ് സിംഗ്ഭും ജില്ലയിലാണ് ഞെട്ടിച്ച സംഭവം റിപ്പോര്‍ട്ട് ചെയ്തത്.
ആറുവയസുകാരി മാങ്ങ പറിക്കുന്നതിനിടെ ഒമ്പതും പന്ത്രണ്ടും വയസുള്ള സഹോദരിമാര്‍ ഈ കുട്ടിയെ മര്‍ദിക്കുകയും ശ്വാസം മുട്ടിച്ച് കൊലപ്പെടുത്തുകയായിരുന്നുവെന്നാണ് പോലീസ് പറയുന്നത്.കൊലപാതക ശേഷം കുട്ടികള്‍ തെളിവ് നശിപ്പിക്കാനും ശ്രമിച്ചു.
സംഭവത്തില്‍ കൂടുതല്‍ വ്യക്തത വരേണ്ടതുണ്ടെന്നും അന്വേഷണം നടക്കുകയാണെന്നും പോലീസ് പറഞ്ഞു. കൊലപാതകം, തെളിവ് നശിപ്പിക്കല്‍ തുടങ്ങിയ വകുപ്പുകള്‍ പ്രകാരം കസ്റ്റഡിയിലെടുത്ത കുട്ടികളെ റിമാന്‍ഡ് ഹോമിലേക്ക് മാറ്റിയതായി പോലീസ് പറഞ്ഞു.
Discussion about this post