ന്യൂഡല്ഹി: തുടര്ച്ചയായ ആറാം ദിവസവും രാജ്യത്ത് രണ്ടുലക്ഷം കടന്ന് കൊവിഡ് രോഗികള്. കഴിഞ്ഞ 24 മണിക്കൂറിനിടെ 2,59,170 പേര്ക്കാണ് വൈറസ് ബാധ സ്ഥിരീകരിച്ചത്. 24 മണിക്കൂറിനിടെ 1,761 പേരാണ് വൈറസ് ബാധയെ തുടര്ന്ന് മരിച്ചത്. ഇന്നലെ 1,54,761 പേര് രോഗമുക്തി നേടിയെന്നും കേന്ദ്ര ആരോഗ്യ മന്ത്രാലയം അറിയിച്ചു.
കഴിഞ്ഞ 24 മണിക്കൂറിനിടെ 2,59,170 പേര്ക്ക് വൈറസ് ബാധ സ്ഥിരീകരിച്ചതോടെ രോഗബാധിതരുടെ ആകെ എണ്ണം 1,53,21,089 ആയി ഉയര്ന്നു.ഇതില് 1,31,08,582 പേര് രോഗമുക്തി നേടി. കൊവിഡ് ബാധിച്ച് രാജ്യത്ത് ഇതുവരെ 1,80,530 പേര് മരിച്ചുവെന്നും ആരോഗ്യ മന്ത്രാലയത്തിന്റെ കണക്കുകള് പറയുന്നു.
നിലവില് രാജ്യത്ത് കൊവിഡ് ചികിത്സയിലുള്ളവരുടെ എണ്ണം 20 ലക്ഷം കടന്നു. 20,31,977 പേരാണ് ചികിത്സയില് കഴിയുന്നതെന്ന് സര്ക്കാര് കണക്കുകള് വ്യക്തമാക്കുന്നു.രാജ്യത്ത് ഇതുവരെ 12,71,29,113 പേര്ക്ക് വാക്സിന് നല്കിയതായി സര്ക്കാര് കണക്കുകള് പറയുന്നു.
കൊവിഡ് വ്യാപനം രൂക്ഷമായി നേരിടുന്ന മഹാരാഷ്ട്രയില് പുതുതായി 58,924 പേര്ക്കാണ് വൈറസ് ബാധ സ്ഥിരീകരിച്ചത്. ഉത്തര്പ്രദേശില് 28,000ന് മുകളിലാണ് വൈറസ് ബാധിതര്. ഗുജറാത്തില് ഇന്നലെ 11000 പേര്ക്ക് വൈറസ് ബാധ സ്ഥിരീകരിച്ചു.
Discussion about this post