ന്യൂഡല്ഹി: രാജ്യത്ത് കൊവിഡ് വ്യാപനം ഉയരുന്ന പശ്ചാത്തലത്തില് 10, 12 ക്ലാസുകളിലെ സിബിഎസ്ഇ ബോര്ഡ് പരീക്ഷകള് മാറ്റിവച്ചു. പത്താം ക്ലാസിലെ പരീക്ഷ റദ്ദാക്കി. പന്ത്രണ്ടാം ക്ലാസ് പരീക്ഷ മാറ്റിവയ്ക്കുകയും ചെയ്തു.
Today Hon’ble Prime Minister Shri @narendramodi Ji chaired a high-level meeting to review the examinations to be held at various levels in view of the developing Corona situation.
— Dr. Ramesh Pokhriyal Nishank (@DrRPNishank) April 14, 2021
പത്താം ക്ലാസില് ഇതുവരെയുള്ള പ്രകടനമികവ് അടിസ്ഥാനമാക്കി മാര്ക്കു നല്കും. ഇതില് തൃപ്തിയില്ലെങ്കില് പിന്നീട് പരീക്ഷ എഴുതാം. കൊവിഡ് വ്യാപനത്തിന്റെ പശ്ചാത്തലത്തില് കഴിഞ്ഞ വര്ഷവും പത്താം ക്ലാസില് സിബിഎസ്ഇ ഇതേ രീതിയാണ് പരിഗണിച്ചത്.
പന്ത്രണ്ടാം ക്ലാസ്സ് പരീക്ഷകളുടെ തീയതി പിന്നീട് തീരുമാനിക്കും. ഇതിനായി ജൂണ് ഒന്നിന് വീണ്ടും യോഗം ചേര്ന്ന് കൊവിഡ് സ്ഥിതിഗതികള് വിലയിരുത്തുമെന്ന് കേന്ദ്ര വിദ്യാഭ്യാസമന്ത്രാലയം അറിയിച്ചു.
രോഗവ്യാപനം രൂക്ഷമായ സാഹചര്യത്തില് സിബിഎസ്ഇ പരീക്ഷകള് മാറ്റിവെക്കണമെന്ന് വിവിധ സംസ്ഥാനങ്ങള് കേന്ദ്രസര്ക്കാരിനോട് ആവശ്യപ്പെട്ടിരുന്നു. ഇതേത്തടുര്ന്ന് പ്രധാനമന്ത്രി നരേന്ദ്രമോഡി കേന്ദ്ര വിദ്യാഭ്യാസമന്ത്രി അടക്കമുള്ളവരുടെ ഉന്നതതലയോഗം വിളിച്ചു ചേര്ന്നിരുന്നു.
Discussion about this post