കൊല്ക്കത്ത : പശ്ചിമബംഗാള് നിയമസഭ തെരഞ്ഞെടുപ്പിനിടെ വ്യാപക സംഘര്ഷം. കൂച്ച്ബിഹാറില് ബിജെപി-തൃണമൂല് കോണ്ഗ്രസ് പ്രവര്ത്തകര് തമ്മിലുണ്ടായ സംഘര്ഷത്തിനിടെ കേന്ദ്ര സേന നടത്തിയ വെടിവെപ്പില് നാലുപേര് മരിച്ചു.
അതേസമയം അഞ്ചു പ്രവര്ത്തകര് കൊല്ലപ്പെട്ടതായി തൃണമൂല് കോണ്ഗ്രസ് ആരോപിച്ചു.കൂച്ച് ബിഹാറിലെ സിതാല്കുച്ചി മണ്ഡലത്തിലാണ് കാര്യമായ സംഘര്ഷമുണ്ടായത്. സിതാല്കുച്ചിയിലെ ജോര്പത്കിയിലുള്ള ബൂത്ത് നമ്പര് 126-ല് സുരക്ഷയിലുണ്ടായിരുന്ന കേന്ദ്രസേന വെടിയുതിര്ക്കുകയായിരുന്നുവെന്ന് ഗ്രാമവാസികള് ആരോപിച്ചു.
സംഭവത്തില് തെരഞ്ഞെടുപ്പ് കമ്മീഷന് റിപ്പോര്ട്ട് തേടിയിട്ടുണ്ട്. എട്ടു ഘട്ടങ്ങളിലായി നടക്കുന്ന ബംഗാള് നിയമസഭാ തെരഞ്ഞെടുപ്പിന്റെ നാലാം ഘട്ടമാണ് ഇന്ന് നടക്കുന്നത്.
സിംഗൂര്, കൂച്ച് ബിഹാര്, ഹൂഗ്ലി അടക്കം അഞ്ചു ജില്ലകളിലെ 44 മണ്ഡലങ്ങളിലാണ് നാലാംഘട്ടത്തില് വോട്ടെടുപ്പ് നടക്കുന്നത്. സിനിമാതാരങ്ങളും കേന്ദ്രമന്ത്രിയും ഉള്പ്പെടെ 370 സ്ഥാനാര്ത്ഥികളാണ് ജനവിധി തേടുന്നത്. 11 മണിവരെ 16.65 ശതമാനം പേര് വോട്ടു രേഖപ്പെടുത്തിയതായാണ് റിപ്പോര്ട്ട്. 294 മണ്ഡലങ്ങളില് എട്ടു ഘട്ടമായാണ് തെരഞ്ഞെടുപ്പ്. മേയ് രണ്ടിനാണ് വോട്ടെണ്ണല്.
#WATCH BJP leader Locket Chatterjee's car attacked by locals in Hoogly during the fourth phase of West Bengal assembly elections #WestBengal pic.twitter.com/aQAgzWI94v
— ANI (@ANI) April 10, 2021
Discussion about this post