കാശ്മീര്‍: കാശ്മീരില്‍ തീവ്രവാദികളും സുരക്ഷാ സേനയും തമ്മിലുണ്ടായ രണ്ട് വ്യത്യസ്ത ഏറ്റുമുട്ടലുകളില്‍ അഞ്ച് ഭീകരര്‍ കൊല്ലപ്പെട്ടു. നാല് ജവാന്മാര്‍ക്ക് പരിക്കേല്‍ക്കുകയും ചെയ്തു. പുല്‍വാമ ജില്ലയിലാണ് രണ്ട് ഏറ്റുമുട്ടലും ഉണ്ടായത്.
വ്യാഴാഴ്ച വൈകുന്നേരം ഷോപയാനിലാണ് ആദ്യ ഏറ്റുമുട്ടല്‍ ഉണ്ടായത്. ഇവിടെ മൂന്ന് ഭീകരരെ സൈന്യം വധിച്ചു. ഈ ഏറ്റുമുട്ടലിനിടെ മൂന്ന് ജവാന്മാര്‍ക്കും പരിക്കേറ്റു.
രണ്ടാമത്തെ ഏറ്റുമുട്ടല്‍ ഉണ്ടായത് ത്രാല്‍ പ്രദേശത്താണ്. വെള്ളിയാഴ്ച പുലര്‍ച്ചെയാണ് ഇവിടെ ഏറ്റുമുട്ടല്‍ ഉണ്ടായത്. ഈ ഏറ്റുമുട്ടലില്‍ രണ്ട് ഭീകരെ വധിച്ചു. ഏറ്റുമുട്ടലിന്റെ പശ്ചാത്തലത്തില്‍ പ്രദേശത്ത് പരിശോധന കര്‍ശനമാക്കിയിട്ടുണ്ട്.