ന്യൂഡല്‍ഹി: പ്രധാനമന്ത്രി നരേന്ദ്ര മോഡിയുടെ പ്രസംഗങ്ങള്‍ തയ്യാറാക്കുന്നതിന് ഉദ്യോഗസ്ഥര്‍ക്ക് നല്‍കുന്ന പ്രതിഫലം പുറത്തുവിടാതെ പ്രധാനമന്ത്രിയുടെ ഓഫീസ്.
ഇന്ത്യാ ടുഡേ നല്‍കിയ വിവരാവകാശ അപേക്ഷയ്ക്കുള്ള മറുപടിയിലാണ്
പ്രതിഫലക്കാര്യം മാത്രം വെളിപ്പെടുത്താത്തത്.
വ്യത്യസ്തങ്ങളായ സാഹചര്യങ്ങളില്‍ മോഡിയ്ക്കാവശ്യമായ പ്രസംഗങ്ങള്‍ തയ്യാറാക്കുന്നത് ആരാണ്, എത്ര പേരാണ്, അവര്‍ക്ക് കൊടുക്കുന്ന പ്രതിഫലം എത്രയാണ് എന്നിങ്ങനെയായിരുന്നു വിവരാവകാശ അപേക്ഷയിലെ ചോദ്യങ്ങള്‍.
എന്നാല്‍ ഇതില്‍ പ്രതിഫലക്കാര്യം പറയാതെയാണ് പിഎംഒ മറുപടി അയച്ചിരിക്കുന്നത്.
‘പരിപാടികളുടെ സ്വഭാവമനുസരിച്ച് വ്യത്യസ്തരായ ആളുകള്‍, ഉദ്യോഗസ്ഥര്‍, വകുപ്പുകള്‍, സംഘടനകള്‍ എന്നിവര്‍ പ്രസംഗത്തിന് വേണ്ട കാര്യങ്ങള്‍ കൊടുക്കും. അന്തിമരൂപം തയ്യാറാക്കുന്നത് പ്രധാനമന്ത്രി തന്നെയാണ്’, എന്നായിരുന്നു ആര്‍ടിഐ മറുപടി.
മോഡിയുടെ പ്രസംഗങ്ങള്‍ തയ്യാറാക്കുന്നതിന് പ്രതിഫലം എത്ര? മറുപടി പറയാതെ പ്രധാനമന്ത്രിയുടെ ഓഫീസ്
