ചെന്നൈ: കഴിഞ്ഞ കുറച്ച് ദിവസങ്ങളിലായി തമിഴ്‌നാട് സന്ദര്‍ശനത്തിലാണ് കോണ്‍ഗ്രസ് എംപി രാഹുല്‍ ഗാന്ധി. ഇപ്പോള്‍ സന്ദര്‍ശനത്തിനിടെ രാഹുല്‍ ഗാന്ധി പുഷ്അപ് എടുക്കുന്ന വീഡിയോ ആണ് സോഷ്യല്‍മീഡിയയില്‍ നിറയുന്നത്. 10-ാം ക്ലാസുകാരിയുടെ ചാലഞ്ച് ഏറ്റെടുത്താണ് രാഹുല്‍ പുഷ്അപ് എടു്ത്തത്. വീഡിയോ ഇതിനോടകം സോഷ്യല്‍മീഡിയയില്‍ നിറഞ്ഞു കഴിഞ്ഞു.
കന്യാകുമാരി ജില്ലയിലെ മുളഗുമൂട് സെന്റ് ജോസഫ്‌സ് മെട്രിക് സ്‌കൂളിലെ മെറോലിന്‍ ഷെനിഗയാണ് പുഷ്അപ് ചലഞ്ചിന് രാഹുലിനെ ക്ഷണിച്ചത്. ഒട്ടും മടിക്കാതെ ജൂഡോ താരത്തിന്റെ വെല്ലുവിളി രാഹുല്‍ സ്വീകരിക്കുകയും ചെയ്തു. ഒരു മിനിറ്റില്‍ താഴെ 15 പുഷ്അപ് എന്നതായിരുന്നു ചലഞ്ച്.
അനായാസം പുഷ്അപ് പൂര്‍ത്തിയാക്കിയ രാഹുല്‍ ഒറ്റക്കൈ കൊണ്ട് പുഷ്അപ് കൂടി എടുത്ത ശേഷമാണ് അവസാനിപ്പിച്ചത്. മെറോലിനെ അഭിനന്ദിച്ച രാഹുല്‍ കുട്ടികള്‍ക്കൊപ്പം സമയം ഏറെ ചെലവഴിച്ച ശേഷമാണ് മടങ്ങിയത്.