പുതുച്ചേരി: പുതുച്ചേരിയിൽ കഴിഞ്ഞദിവസം നടന്ന പൊതുചടങ്ങിനിടെ രാഹുൽ ഗാന്ധി ഓട്ടോഗ്രാഫ് വാങ്ങാനെത്തിയ പെൺകുട്ടിയെ ചേർത്തുപിടിച്ച് ഫോട്ടോയെടുത്ത സംഭവം വൈറലാകുന്നു. ഓട്ടോഗ്രാഫ് വാങ്ങാനെത്തിയ തനിക്ക് ഇരട്ടി സന്തോഷണായി ഫോട്ടോയും സമ്മാനിച്ച രാഹുലിനെ കെട്ടിപ്പിടിച്ച് പെൺകുട്ടി പൊട്ടിക്കരയുകയായിരുന്നു. പുതുച്ചേരിയിലാണ് അതിവൈകാരികത നിറഞ്ഞ രംഗം അരങ്ങേറിയത്.
പുതുച്ചേരിയിലെ ഒരു സ്‌കൂളിൽ സംവാദ പരിപാടിയിൽ പങ്കെടുക്കാനെത്തിയ രാഹുലിനെ കാണാനെത്തിയതായിരുന്നു സ്‌കൂൾ വിദ്യാർത്ഥിനി. വിദ്യാർത്ഥിനി ഓട്ടോഗ്രാഫിനായി അദ്ദേഹത്തിനടുത്തെത്തുകയും ഓട്ടോഗ്രാഫ് നൽകുന്നതിനിടെ പെൺകുട്ടി ആവേശംകൊള്ളുന്നതും വീഡിയോയിൽ കാണാം.
പെൺകുട്ടിക്ക് സർപ്രൈസായി മുട്ടിലിരുന്ന രാഹുൽ പെൺകുട്ടിയെ ചേർത്തുപിടിച്ച് ഫോട്ടോയെടുക്കുകയായിരുന്നു. കുട്ടിയോട് ക്യാമറയിൽ നോക്കാനാവശ്യപ്പെടുന്നതും ദൃശ്യത്തിലുണ്ട്.
നിറകണ്ണുകളുമായി നിൽക്കുന്ന കുട്ടിയെ രാഹുൽ കവിളിൽത്തട്ടി ആശ്വസിപ്പിക്കുകയും ചെയ്യുന്നു. പിസി വിഷ്ണുനാഥ് അടക്കമുള്ളവർ വീഡിയോ സാമൂഹിക മാധ്യമങ്ങളിലൂടെ പങ്കുവെച്ചിട്ടുണ്ട്.