വിവാഹത്തിന് തൊട്ടുമുന്‍പ് വധുവിന് കൊവിഡ് സ്ഥിരീകരിച്ചു; പിപിഇ കിറ്റണിഞ്ഞ് വരനും പൂജാരിയും, വീഡിയോ

ജയ്പുര്‍: വിവാഹത്തിന് തൊട്ട് മുമ്പ് വധുവിന് കൊവിഡ് സ്ഥിരീകരിച്ചു. ഈ സാഹചര്യത്തില്‍ പിപിഇ കിറ്റണിഞ്ഞ് വിവാഹ ചടങ്ങുകള്‍ നടത്തിയിരിക്കുന്നത്. സംഭവത്തിന്റെ വീഡിയോ ഇപ്പോള്‍ സോഷ്യല്‍മീഡിയയില്‍ വൈറലാണ്.

വരനും വധുവും പൂജാരിയുമാണ് ചടങ്ങില്‍ പിപിഇ കിറ്റണിഞ്ഞത്. വിവാഹ പൂജയും താലികെട്ടും ഉള്‍പ്പെടെയുള്ള ചടങ്ങുകളും വധുവരന്‍മാര്‍ നിര്‍വ്വഹിച്ചത് പിപിഇ കിറ്റ് ധരിച്ചുകൊണ്ടാണ്.

പിപിഇ കിറ്റിന് മുകളിലൂടെയാണ് വരന്‍ പരമ്പരാഗത തലപ്പാവ് ധരിച്ചത്. വധുവും ആടയാഭരങ്ങള്‍ക്ക് പുറമെയാണ് പിപിഇ കിറ്റ് ധരിച്ചത്. അതിഥികളില്‍ ചിലരും പിപിഇ കിറ്റണിഞ്ഞാണ് വിവാഹത്തില്‍ പങ്കെടുത്തത്. വ്യത്യസ്ത മാതൃകയ്ക്ക് ഇപ്പോള്‍ നിറകൈയ്യടികളാണ് ലഭിക്കുന്നത്.