ചെന്നൈ: മികച്ച ജനപിന്തുണയുള്ളയാളുകള്‍ എന്‍ഡിഎയുടെ ഭാഗമാകുമെന്ന് ബിജെപി മുതിര്‍ന്ന നേതാവ് അമിത് ഷാ. തമിഴ് സൂപ്പര്‍താരം രജനികാന്തുമായി രാഷ്ട്രീയ ചര്‍ച്ചനടത്തിയതിന് പിന്നാലെയാണ് അമിത് ഷാ ഇക്കാര്യം പറഞ്ഞത്. തമിഴ്നാട് നിയസഭാതെരഞ്ഞെടുപ്പിന് മുന്നോടിയായി നിര്‍ണായക രാഷ്ട്രീയ നീക്കമാണ് അമിത് ഷാ നടത്തുന്നത്.
തെരഞ്ഞെടുപ്പിന് മുന്നോടിയായി ചെന്നൈയിലെത്തിയ അമിത് ഷാ തമിഴ് സൂപ്പര്‍താരം രജനികാന്തുമായി രാഷ്ട്രീയ ചര്‍ച്ചനടത്തി വിവരം് ബിജെപി കോര്‍ കമ്മറ്റി യോഗത്തിലാണ് പറഞ്ഞു. കൃത്യസമയത്ത് നല്ല പ്രഖ്യാപനമുണ്ടാകുമെന്നും മികച്ച ജനപിന്തുണയുള്ളയാളുകള്‍ എന്‍ഡിഎയുടെ ഭാഗമാകുമെന്നും അമിത് ഷാ പറഞ്ഞു.
കൂടുതല്‍ പ്രാദേശിക കക്ഷികളെ ഒപ്പമെത്തിച്ച് സഖ്യം വിപുലീകരിക്കുക എന്നതാണ് ബിജെപിയുടെ ലക്ഷ്യമെന്നും അമിത് ഷാ അണികളോട് വ്യക്തമാക്കി. നിര്‍ണായക സഖ്യനീക്കങ്ങള്‍ കേന്ദ്ര നേതൃത്വം നേരിട്ട് നടത്തുമെന്നു പറഞ്ഞ അമിത് ഷാ തെരഞ്ഞെടുപ്പില്‍ രജനികാന്തിന്റെ പിന്തുണ ഉറപ്പിക്കാനുള്ള നീക്കങ്ങള്‍ പൂര്‍ത്തിയാക്കിയതായാണ് സൂചന.
തെരഞ്ഞെടുപ്പ് ചൂട് അടുത്തിരിക്കെ പ്രചാരണത്തില്‍ ശ്രദ്ധിക്കാനും അമിത് ഷാ തമിഴ്‌നാട്ടിലെ ബിജെപി അണികള്‍ക്ക് നിര്‍ദ്ദേശം നല്‍കി. നിയമസഭാ തെരഞ്ഞെടുപ്പിന് 6 മാസം മാത്രം ബാക്കി നില്‍ക്കെ ബിജെപി നോതാക്കളുമായുള്ള അമിത്ഷായുടെ കൂടികാഴ്ച്ച വളരെ നിര്‍ണ്ണായകമാണെന്നാണ് നിരീക്ഷിക്കപ്പെട്ടിരുന്നത്. അകിലൊന്നായിരുന്നു രജനീകാന്തുമായുള്ള കൂടികാഴ്ച്ച.
Discussion about this post