ദീപാവലി ദിനത്തില്‍ കൊല്‍ക്കത്തയിലെ ചേരി പ്രദേശത്ത് വന്‍ തീപിടുത്തം; നിരവധി വീടുകള്‍ കത്തിനശിച്ചു, നാല് ദിവസത്തിനിടെ കൊല്‍ക്കത്തയിലുണ്ടാകുന്ന രണ്ടാമത്തെ വലിയ തീപിടുത്തം

കൊല്‍ക്കത്ത: ദീപാവലി ദിനത്തില്‍ കൊല്‍ക്കത്തയിലെ ചേരി പ്രദേശത്ത് വന്‍ തീപിടുത്തം. ന്യൂടൗണിലെ നിവേദിതാപള്ളിയിലെ ചേരി പ്രദേശത്താണ് ശനിയാഴ്ച രാത്രിയോടെ തീപിടുത്തമുണ്ടായത്.

തീപിടുത്തത്തില്‍ പ്രദേശത്തെ മുപ്പത്തഞ്ചോളം കുടിലുകള്‍ കത്തിനശിച്ചുവെന്നാണ് റിപ്പോര്‍ട്ട്.
അഗ്‌നിരക്ഷാ സേനയുടെ അഞ്ച് യൂണിറ്റുകള്‍ സ്ഥലത്തെത്തിയാണ് തീ അണച്ചത്.

നാല് ദിവസത്തിനിടെ കൊല്‍ക്കത്തയിലുണ്ടാകുന്ന രണ്ടാമത്തെ വലിയ തീപിടുത്തമാണിത്. നവംബര്‍ പത്തിന് ടോപ്‌സിയ മേഖലയിലെ ചേരിപ്രദേശത്തും വന്‍ തീപിടിത്തം ഉണ്ടായിരുന്നു. അന്ന് ഇരുപതോളം കുടിലുകളാണ് കത്തിനശിച്ചത്.