ഹൈദരാബാദ്: തെലുങ്ക് സൂപ്പര്‍ താരം ചിരഞ്ജീവിയുടെ കൊവിഡ് ഫലം നെഗറ്റീവ്. താരം തന്നെയാണ് ഈ വിവരം അറിയിച്ചത്. നേരത്തേ വന്ന കൊവിഡ് പോസിറ്റീവ് ഫലം തെറ്റാണെന്നും ആര്‍ടിപിസിആര്‍ കിറ്റിന്റെ പിഴവ് മൂലമാണ് അങ്ങനെ സംഭവിച്ചതെന്നുമാണ് താരം അറിയിച്ചത്.
മൂന്ന് തവണ ഡോക്ടര്‍മാര്‍ ടെസ്റ്റ് ചെയ്തപ്പോഴും താന്‍ കൊവിഡ് നെഗറ്ററിവാണെന്നും എല്ലാവരോടും നന്ദി അറിയിക്കുവെന്നും ചിരഞ്ജീവി ട്വിറ്ററില്‍ കുറിച്ചു. ആചാര്യ എന്ന പുതിയ ചിത്രത്തിന്റെ ഷൂട്ടിംഗിന് മുന്നോടിയായി നടത്തിയ പരിശോധനയിലാണ് താരത്തിന് കൊവിഡ് സ്ഥിരീകരിച്ചത്. തുടര്‍ന്ന് വീട്ടില്‍ നീരിക്ഷണത്തില്‍ കഴിയുകയായിരുന്നു താരം. തനിക്ക് യാതൊരു രോഗലക്ഷണങ്ങളും ഇല്ലായിരുന്നുവെന്ന് അന്ന് താരം അറിയിച്ചിരുന്നു.
A group of doctors did three different tests and concluded that I am Covid negative & that the earlier result was due to a faulty RT PCR kit. My heartfelt thanks for the concern, love shown by all of you during this time. Humbled ! 🙏❤️ pic.twitter.com/v8dwFvzznw
— Chiranjeevi Konidela (@KChiruTweets) November 12, 2020