പട്‌ന: ബിഹാര്‍ മുഖ്യമന്ത്രി നിതീഷ് കുമാറിന് നേരെ സവാളയേറ്. മധുബനി, ഹര്‍ലഖിയിലെ തിരഞ്ഞെടുപ്പ് റാലിയില്‍ പ്രസംഗിക്കുന്നതിനിടെയാണ് അപ്രതീക്ഷിതമായി സവാളയേറുണ്ടായത്. ജനങ്ങള്‍ക്കിടയില്‍ നിന്നും ഒരാള്‍ നിതീഷ് കുമാറിന് നേരെ ഇഷ്ടിക കഷ്ണവും സവാളയും എറിയുകയായിരുന്നു.
തിരഞ്ഞെടുപ്പ് റാലിയില്‍ തൊഴിലവസരങ്ങളെ കുറിച്ച് സംസാരിക്കുന്നതിനിടയിലാണ് സംഭവം. ഉടന്‍ തന്നെ സുരക്ഷാ ഉദ്യോഗസ്ഥര്‍ മുന്നിലേക്കെത്തുകയും നിതീഷ് കുമാറിന് പ്രതിരോധം തീര്‍ക്കുകയും ചെയ്തു. സദസ്സിലിരുന്ന മറ്റുനേതാക്കളും പെട്ടെന്നുണ്ടായ ഏറില്‍ പരിഭ്രാന്തരായി.
എന്നാല്‍ ‘എറിയൂ, ഇനിയും എറിയൂ’എന്നായിരുന്നു നിതീഷ് കുമാറിന്റെ പ്രതികരണം. ഇത് കണ്ട് ജനങ്ങളെല്ലാം അമ്പരന്നു. നിതീഷ് കുമാര്‍ പ്രസംഗം തുടരുകയും ചെയ്തു . ബിഹാറിന് പുറത്തേക്ക് ആരും പോകേണ്ടി വരില്ലെന്ന നിതീഷ് കുമാറിന്റെ ഉറപ്പിനെ കൈയടികളോടെയാണ് അണികള്‍ സ്വീകരിച്ചത്.
ബിഹാറില്‍ മൂന്നുഘട്ടമായാണ് നിയമസഭാ തിരഞ്ഞെടുപ്പ് നടക്കുന്നത്. ഇന്ന് രണ്ടാം ഘട്ട പോളിങ് നടന്നു. മൂന്നാമത്തേയും അവസാനത്തേയും ഘട്ടം ഈ മാസം ഏഴിന് നടക്കും. നവംബര്‍ പത്തിനാണ് തിരഞ്ഞെടുപ്പ് ഫലം പ്രഖ്യാപിക്കുക.
#Correction: Onions pelted during Chief Minister Nitish Kumar's election rally in Madhubani's Harlakhi.#BiharPolls pic.twitter.com/0NwXZ3WIfm
— ANI (@ANI) November 3, 2020
Discussion about this post