ജഗന്‍മോഹന്‍ റെഡ്ഡിയുടെ സന്ദര്‍ശനത്തിന് തൊട്ടുമുന്‍പ് കനക ദുര്‍ഗ ക്ഷേത്രത്തിന് മുകളിലേയ്ക്ക് മണ്ണിടിഞ്ഞു വീണു; നാല് പേര്‍ കുടുങ്ങിക്കിടക്കുന്നു

ഹൈദരാബാദ്: ആന്ധ്രാപ്രദേശിലെ കനക ദുര്‍ഗ ക്ഷേത്രത്തിന് മുകളിലേക്ക് മണ്ണിടിഞ്ഞ് വീണു. മുഖ്യമന്ത്രി ജഗന്‍ മോഹന്‍ റെഡ്ഡിയുടെ സന്ദര്‍ശനത്തിന് തൊട്ടുമുന്‍പാണ് അപകടം നടന്നത്. അപകടത്തില്‍, രണ്ട് ശുചീകരണത്തൊഴിലാളികളടക്കം നാല് പേര്‍ മണ്ണിനടിയില്‍ കുടങ്ങിക്കിടക്കുന്നതായി റിപ്പോര്‍ട്ട്.

സംഭവത്തിന് പിന്നാലെ ജില്ലാ കളക്ടര്‍ ഇംതിയാസും കമ്മീഷണര്‍ ശ്രീനിവാസലുവും സ്ഥലത്തെത്തി രക്ഷാപ്രവര്‍ത്തനം വിലയിരുത്തി. 10 ദിവസത്തെ ദസറ ആഘോഷം ഒക്ടോബര്‍ 17 നാണ് ക്ഷേത്രത്തില്‍ ആരംഭിച്ചത്. ഓരോ മണിക്കൂറിലും 1000 പേര്‍ക്കാണ് ക്ഷേത്രത്തിലേക്ക് പ്രവേശനം അനുവദിച്ചിരുന്നത്.