ന്യൂഹല്‍ഹി: ദളിതരെയും മുസ്ലീംകളെയും ആദിവാസികളെയും പല ഇന്ത്യക്കാരും മനുഷ്യരായി കാണുന്നില്ലെന്ന് കോണ്‍ഗ്രസ് നേതാവും എംപിയുമായ രാഹുല്‍ ഗാന്ധി. ഹാഥ്രസ് കേസിലുള്ള യുപി പോലീസിന്റെ ഇടപെടലുകളുമായി ബന്ധപ്പെട്ടായിരുന്നു രാഹുലിന്റെ പരാമര്‍ശം. ട്വിറ്ററിലൂടെയായിരുന്നു രാഹുല്‍ ഇക്കാര്യം പറഞ്ഞത്.
”നാണം കെട്ട കാര്യം എന്തെന്നാല്‍ പല ഇന്ത്യക്കാരും ദളിത്, മുസ്ലീം, ആദിവാസികള്‍ എന്നിവര്‍ മനുഷ്യരാണെന്ന് പോലും കരുതുന്നില്ല. മുഖ്യമന്ത്രിയും പോലീസും, ആരും അവളെ ബലാത്സംഗം ചെയ്തിട്ടില്ലെന്നാണ് പറയുന്നത്. മറ്റ് പല ഇന്ത്യക്കാര്‍ക്കും അവള്‍ ആരുമല്ല” രാഹുല്‍ ഗാന്ധി ട്വീറ്റ് ചെയ്തു.
The shameful truth is many Indians don’t consider Dalits, Muslims and Tribals to be human.
The CM & his police say no one was raped because for them, and many other Indians, she was NO ONE.https://t.co/mrDkodbwNC
— Rahul Gandhi (@RahulGandhi) October 11, 2020
ഹാഥ്രസിലെ പെണ്‍കുട്ടിയുടെ മൃതദേഹം ബന്ധുക്കളുടെ പോലും സമ്മതമില്ലാതെയാണ് പുലര്‍ച്ചെ രണ്ടുമണിക്ക് സംസ്‌കരിച്ചത്. പെണ്‍കുട്ടിയുടെ കുടുംബത്തെ കാണാനുള്ള അവസരം മാധ്യമങ്ങള്‍ക്കും രാഷ്ട്രീയപ്രവര്‍ത്തകര്‍ക്കും നിഷേധിക്കുകയും ചെയ്തിരുന്നു. ഇതിന് എതിരെ കോണ്‍ഗ്രസ് അടക്കമുള്ള പ്രതിപക്ഷ കക്ഷികള്‍ വലിയ വിമര്‍ശനവുമായി രംഗത്തെത്തിയിരുന്നു. ഹാഥ്രസിലെ പെണ്‍കുട്ടി കൊല്ലപ്പെട്ടത് അവളുടെ തെറ്റാണെന്ന തരത്തിലായിരുന്നു പല ബിജെപി നേതാക്കളുടെയും പ്രതികരണം.
Discussion about this post