ന്യൂഡല്‍ഹി: രാഹുല്‍ഗാന്ധിയെ പ്രകീര്‍ത്തിച്ച് സംസാരിക്കുന്ന നടി ദീപിക പദുകോണിന്റെ വീഡിയോ ആണ് ഇപ്പോള്‍ വീണ്ടും സോഷ്യല്‍മീഡിയയില്‍ നിറയുന്നത്. രാജ്യത്തിന് ഒരു മികച്ച ഉദാഹരണമാണ് രാഹുലെന്നും അദ്ദേഹം ഒരിക്കല്‍ പ്രധാനമന്ത്രിയാകുമെന്നാണ് പ്രതീക്ഷിക്കുന്നതെന്നുമാണ് ദീപിക അഭിമുഖത്തില്‍ പറയുന്നത്.
ദീപിക ഡിഡി ന്യൂസില്‍ നല്‍കിയ അഭിമുഖമാണ് ഇപ്പോള്‍ വൈറലാകുന്നത്. നാര്‍ക്കോട്ടിക്സ് ബ്യൂറോയുമായി ബന്ധപ്പെട്ട് ദീപിക പദുകോണിനെ ചോദ്യം ചെയ്തതിന് പിന്നാലെയാണ് ദീപിക പദുകോണിന്റെ പഴയ വീഡിയോ വൈറലാകുന്നത്.
ദീപികയുടെ വാക്കുകള്‍;
‘രാജ്യത്തിന് വേണ്ടി രാഹുല്‍ ഗാന്ധി ചെയ്യുന്നതെന്തും അദ്ദേഹത്തെ ഒരു മികച്ച ഉദാഹരണമാക്കി മാറ്റും. അദ്ദേഹം ഒരുനാള്‍ പ്രധാനമന്ത്രിയാകുമെന്നാണ് പ്രതീക്ഷിക്കുന്നത്. എനിക്ക് തോന്നുന്നു അദ്ദേഹത്തിന് യുവാക്കളുമായി നല്ല രീതിയില്‍ ബന്ധമുണ്ടാക്കാന്‍ കഴിയുന്നുണ്ട്. അദ്ദേഹത്തിന്റെ ചിന്താഗതി ചിലപ്പോള്‍ പഴയതാകാം, പക്ഷെ അതേസമയം ഭാവിയുള്ളതുമാണ്.
