ന്യൂഡല്ഹി: നരേന്ദ്ര മോഡിയെ പരിഹസിച്ച് ശശി തരൂര്. കഴിഞ്ഞ ആറ് വര്ഷത്തില് രാജ്യത്ത് പ്രകടമായി കണ്ട വളര്ച്ച മോഡിയുടെ താടി മാത്രമാണെന്നായിരുന്നു ശശി തരൂരിന്റെ പരിഹാസം. ട്വിറ്ററിലൂടെയായിരുന്നു മോഡിയുടെ താടിയുടെ ചിത്രം പങ്കുവെച്ച് തരൂര് പരിഹസിച്ചത്.
‘ഇന്ന് രാവിലെയാണ് ലഭിച്ചത്, അര്ത്ഥവത്തായി ചിത്രീകരിച്ചിരിക്കുന്നു’ എന്ന അടിക്കുറിപ്പോടെയാണ് ചിത്രം തരൂര് പങ്കുവെച്ചത്.
Received this morning— illustrates the point. pic.twitter.com/zdpc1WLf6E
— Shashi Tharoor (@ShashiTharoor) September 15, 2020
മോഡിയുടെ ആറ് വര്ഷക്കാല ഭരണത്തെ തുടര്ന്ന് ഇന്ത്യയുടെ ജിഡിപി വളര്ച്ച ഇടിഞ്ഞുവെന്നും രാജ്യത്ത് സാമ്പത്തിക മാന്ദ്യമാണെന്നും തരൂര് നേരത്തെ അഭിപ്രായപ്പെട്ടിരുന്നു. ‘യുപിഎ നമ്മുടെ ജിഡിപി 600 ബില്യണ് ഡോളറില് നിന്ന് നാലിരട്ടിയോളം വര്ദ്ധിപ്പിച്ച് 2 ട്രില്യണ് ഡോളറിലേക്കെത്തിച്ചു. അതിലേക്ക് ആറ് വര്ഷങ്ങളായി ഭരിക്കുന്ന എന്ഡിഎ കൂട്ടിച്ചേര്ത്തത് 70 ബില്യണ് ഡോളര് മാത്രമാണ്.
257 മില്യണ് ജനങ്ങളെ ദാരിദ്ര്യത്തില് നിന്ന് കരകയറ്റാന് യുപിഎക്ക് കഴിഞ്ഞിട്ടുണ്ട്. വിവരാവകാശം, ജനങ്ങള്ക്ക് വിദ്യാഭ്യാസത്തിനും, തൊഴിലിനും, ഭക്ഷണത്തിനുമുള്ള ഉറപ്പും സുരക്ഷയും, ഇതെല്ലാം നിയമപരമായി നടപ്പിലാക്കി എന്നതില് ഇന്ത്യന് നാഷണല് കോണ്ഗ്രസിന് എന്നും അഭിമാനിക്കാം എന്നായിരുന്നു തരൂര് നേരത്തെ പറഞ്ഞത്.
Discussion about this post